Un detenshon relashoná ku e kaso di kandela na ofisina di impuesto.

KOMUNIKADO DI PRENSA 343 / 2019
31 ougústús 2019
Un detenshon relashoná ku e kaso di kandela na ofisina di impuesto.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Relashoná ku e kaso di kandela ku a surgi na ofisina di Impuesto na Regentesselaan den e
mardugá di djaweps 22 di ougùstùs último, (komunikado di prensa no. 331/2019) polis a
hasi un (1) detenshon.
Djasabra 31 di ougústús 2019, alrededor di 00.40 or, e Tim di aresto a detené un (1)
sospechoso den e kaso aki.
Ta trata di e hòmber sospechoso R.R.M., nasé na Venezuela di 31 aña di edat.
Detenshon di e sospechoso a tuma lugá na un bar den area di Rio Canario. Na momentu di
su detenshon e sospechoso tabata den kompania di un hòmber mas ku tambe a keda
detené.
Despues ku a presentá e hòmber ultimo aki dilanti di un Fiskal Ouksiliar e la keda lagá den
libertat.
En konekshon ku e detenshon di R.R.M., personal di Tim di Aresto huntu ku e tim di
investigashon den kompania di Fiskal di Ministerio Públiko a tene entrada hudisial na kas di
e sospechoso den San Souci, kaminda a konfiská artikulonan ku ta di importansia p’e
investigashon.
E sospechoso R.R.M. a keda presentá dilanti un Fiskal Ouksiliar ku a ordená su
enkarselamentu pendiente di mas investigashon.
E investigashon den e kaso aki ta kontinua.