SEÑORA SEFERINA CICILIA STATIE A KUMPLI 102 AÑA 

SEÑORA SEFERINA CICILIA STATIE A KUMPLI 102 AÑA 

 

Kralendijk—Djabièrnè último diputado Nina den Heyer i diputado James Kroon a hasi sra. Seferina “Sefe” Statie un bishita na su kas den Stashi den kuadro di su selebrashon di 102 aña.

Sra. Sefe manera nan ta yam’e a kumpli 102 aña 25 di ougùstùs último. tabata tin un selebrashon chikí den seno familiar huntu ku amigunan mas yegá i bisiñanan.

 

Sra. Sefe apesar di su edat grandi ta un persona ku ta kòrda kosnan bon bon i ta kombersá masha ameno. 

 

Komo un gesto di parti di Gobièrnu di Boneiru diputado den Heyer i diputado Kroon primeramente a felisitá Seferina i a regalá sra. Sefe un makutu kargá ku produktonan ku nos hende grandinan ta gusta mashá.

Sra. Sefe a keda mashá kontentu ku bishita di diputado den Heyer i a sintié sumamente honrá.