Pronóstiko di tempu pa Kòrsou i bisindario bálido te djasabra mainta 06:00 o.l, 7 di sèptèmber 2019.

Pronóstiko

Pronóstiko di tempu pa Kòrsou i bisindario bálido te djasabra mainta 06:00 o.l, 7 di sèptèmber 2019.
Kompilá: djabièrnè 6 di sèptèmber 2019, 05:00 o.l.  (09:00 UTC).

Tempu: Parsialmente nublá i un wer seku lo prevalesé.

Temperatura máksimo lo alkansá 34 ºC, i temperatura mínimo di 27 ºC.
Solo ta sali 06:25 i ta baha 18:43 o.l.

Bientu: Direkshon generalmente ost i moderá te basta fuerte; forsa 3 pa 4 (12 pa 30 km/ora, 7 pa 16 nudo). Ráfaga de bes en kuando fuerte; forsa 5 (31 pa 39 km/ora, 17 pa 21 nudo).

Situashon general: No ta antisipá nubianan signifikante durante di próksimo 24 ora riba nos region. Apesar, di esaki un oumento temporal di nubia por kondusí na un áwaseru lokal di durashon kòrtiku riba òf den bisindario di nos isla, prinsipalmente durante oranan di djasabra mardugá. Mas aleu bientu lo keda moderá durante próksimo dianan.

Kondishon di laman: Trankil te moderá ku altura di olanan entre 1  i 1.5 meter (3 pa 5 pia).

Sistemanan signifikante di wer tropikal: Orkan Dorian ta sigui move den un direkshon nortost pegá ku e kosta di North Carolina i Virginia di Estádos Unídos komo un orkan di kategoria 2. Tormenta Tropikal Gabrielle ta sigui move den un direkshon nortwèst riba Osean Atlántiko. Mas aleu, tin un otro disturbio a baha for di e kosta oksidental di Afrika ku sierto potensial pa desaroyo den e próksimo dianan. Ningun di e sistemanan aki aktualmente ta forma un peliger pa Kòrsou.

Fenómeno spesial: Ningun.

Perspektiva te djadumingu mainta: Por lo general parsialmente nublá i no ta antisipá áwaseru signifikante.

Meteorólogo: Correa.