NOS SELEKSHON NASHONAL TA KLA PA ENFRENTÁ HAITI MAÑAN 7 DI SÈPTÈMBER DEN SDK, 6’OR DI ATARDI! E DIA A YEGA!

NOS SELEKSHON NASHONAL TA KLA PA ENFRENTÁ HAITI MAÑAN 7 DI SÈPTÈMBER DEN SDK, 6’OR DI ATARDI! E DIA A YEGA!

 

 

Tur kos ta kla pa nos selekshon nashonal enfrentá e selekshon di Haiti mañan, 7 di sèptèmber, 6’or di atardi den Stadion Ergilio Hato. Esaki durante nos promé partido di e di 2 buèlta di Nations League. Despues ku djaluna último nos hungadónan residensiá den eksterior a yega Kòrsou i djòin ku nos hungadónan lokal, e trainingnan a kontinuá pa e partido importante aki. Awe nos selekshon ta tin su delaster training i nos hungadónan ta mentalmente i físikamente bon prepará pa saka nos kara mañan.

 

Karchinan pa e enkuentro aki, lo ta optenibel mañan for di 9’or di mainta solamente na e lokètnan di SDK te ku ora di wega. Hasi lihé buska di bo, pa bo no lamentá paso e karchinan ta bayendo manera pan kayente, ya esnan di tribuna kubrí a ‘sold out’!

 

E preisnan pa e diferente sekshonnan ku a sobra ta lo siguiente:

• VIP ta kosta Fl.250,- pa ámbos partido i Fl.150,- pa un partido (inkluso konsumo);
• Tribunanan no kubrí ta Fl.30,- pa ámbos partido i Fl.20,- pa un partido
• Mucha te ku 12 aña ku 60+ ta paga Fl. 15,- pa ámbos partido i Fl.10,- pa un partido den sekshon general

 

Kòrda ku portanan ta habri for di 3’or di atardi…yega trempan pa evitá e tráfiko!

 

E kolekshon nobo di merkansia di nos selekshon, ku ta Nike original, tambe lo ta na benta mañan di 9’or di mainta pa 1’or di mèrdia na FFK!

 

E preisnan di nos kolekshon nobo di merkansia di nos selekshon nashonal ta lo siguiente;

 

• Jacket adulto (neon hel) fl.150,-
• Jacket mucha (neon hel) fl.125,-
• Suèter adulto (neon hel òf blou) fl.100,-
• Suèter mucha (neon hel òf blou) fl.85,-
• Karson di ‘trainingspak’ adulto (blou skur) fl.85,-
• Karson di ‘trainingspak’ mucha (blou skur) fl.75,-
• Shal di nos selekshon fl.25,-

 

E ‘size’ nan di mucha ta kore di XS te L miéntras di adulto ta kuminsá na S i ta yega te XXL.

Tur esaki optenibel na FFK bou di ora di ofisina.

Un tabla lo bula mañan ora ku Kòrsou topa kara kara ku Haiti! Nos selekshon ta sigui konta ku e sosten i e apoyo di abo, komo e di 12 hungadó, pa huntu nos logra e viktoria!

 

Nos ta topa mañan, 6’or di atardi den Stadion Ergilio Hato!

 

6 di sèptèmber 2019