FRANK & FRIENDS ORGINAL ta bèk pa un presentashon!

FRANK & FRIENDS ORGINAL ta bèk pa un presentashon! 

E integrantenan orginal lo bini for di Ulanda i Aruba.

Willemstad –  Djasabra dia 28 di sèptèmber porfin e soño di hopi fanátiko ta bira realidat. Frank & Friends orginal lo ta huntu atrobe pa ún sólo presentashon. For di Ulanda lo tei Titirititi i Fakir, for di Aruba Jersey Isenia i ya Zeyo Davelaar ta na Kòrsou. Ya preparashonnan ta den ‘full swing’ pa e anochi pa historia aki, ora ku legendario banda ku a kousa estrago den dekadá presentá den e tremendo fiesta ‘THE LEGENDS’. Huntu ku Frank & Friends, riba e anochi ei lo tin tambe presentashon di RIZAM i MAIS.

Den pasado na varios okashon, diferente promotor a trata na trese Frank & Friends huntu, maske ta pa ún biaha, pero no a logra. Pues djasabra 28 di sèptèmber den Villa Royal nèt dilanti Waaigat, definitivamente tei bira un anochi pa historia. Ya karchinan pa e tremendo anochi di ‘THE LEGENDS’ ta na benta pa 30 florin, na Beep Beep, Frank Curiel Ball Park den Santa Maria, Mensing’s Caminada i na 24 Uur uit de Muur. Tur kos ta start for di 8pm te 3am, pues prepará pa bo rekordá dushi tempunan di kadans ora e legendario bandanan Frank & Friends orginal, RIZAM i MAIS bini huntu ún biaha mas djasabra 28 di sèptèmber den Villa Royal

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: