MCB, CHATA i Global Entrepreneurship Week Curaçao a uni forsa pa duna rekonosementu na empresanan / MCB, CHATA en Global Entrepreneurship Week Curaçao geven een erkenning aan 11 bedrijven

 

Willemstad: 19 di Novèmber, 2021

MCB, CHATA i Global Entrepreneurship Week Curaçao a uni forsa pa duna rekonosementu na empresanan 

A premia organisashonnan ku a resaltá pa nan vishon, kreatividat, resilensia i durabilidat den nan forma di hasi negoshi

WILLEMSTAD – Djaweps anochi Maduro & Curiel’s Bank, CHATA i Global Entrepreneurship Week Curaçao, e tene un anochi di rekonosementu i premiashon na empresario i empresanan ku a sobresalí pa nan kreatividat, perseveransia, resilensia i durabilidat. Pa promé bes e tres organisashonnan menshoná a uni pa organisá un anochi di rekonosementu i premiashon a base di un vishon mutuo ku trahando huntu nos por logra hopi mas, spesialmente den e tempu difísil ku nos ta pasando aden.  

Komersiante Briante

Maduro & Curiel’s Bank a nominá 4 empresario pa e premio Komersiante Briante ku a sa di  re-inventá su modelo di negoshi durante e periodo di Pandemia pa asina logra sobrebibí i asta sobresalí. Ku Premio Komersiante Briante, MCB ta sigui stimulá i tambe konsientisá otronan pa sigui ku nan esfuerso pa nan organisashon ta kompetitivo i duradero. MCB ke enfatisá alabes importansia di e sektor empresarial pa desaroyo di ekonomia di nos dushi Kòrsou. 

Premio Futuro Briante

Alabes MCB a nominá 3 empresa pa Premio Futuro Briante 2021. Ta e promé biaha ku MCB a otorgá Premio Futuro Briante. Ku e premio aki Maduro & Curiel’s Bank ta honra nos komersiantenan di e sektor Empresa Chikí ku tabatin e kurashi di enfrentá e reto di lanta un negoshi kompletamente nobo durante e Pandemia.

Premio Fortalesa

Riba e anochi di premiashon CHATA a presentá 4 organisashon pa e premio Fortalesa. Pa determiná e nominadonan pa e Premio Fortalesa, CHATA a hasi un yamada riba  organisashonnan miembro pa nominá un kompania ku na nan opinion a mustra resiliensia den e último añ’i mei. For di e proposishonnan di miembronan a nominá 4 organisashon.

Kiko e Premio Fortalesa di CHATA ta para p’e?

E premio Fortalesa di CHATA ta para pa resiliensia. “Nos sa ku nos miembronan di CHATA tabatin un añ’i mei difísil a konsekuensia di COVID-19. Nos kier a tira lus riba 4 organisashon/empresa ku a apliká kreatividat, i resiliensia pa enfrentá e retonan ku a presentá durante di Pandemia. 

GEW Curaçao Lifetime Achievement Award

Global Entrepreneurship Week Curaçao na su turno a otorgá un Lifetime Achievement Award na e famia di Pablo Frederik kende 80 aña pasá tabata un di e empresarionan katalisadónan di desaroyo di e área di Saliña. Sr. Frederik ku algun amigu a dèmpel áreanan kubrí pa awa pa konstruí un garashi, despues un pòmp di gasolin, sitio pa benta di mulina di bientu i un negoshi di traha line di break i clutch. Pablo Frederik, su kasá, yunan i nietunan durante 8 dékada a mustra vishon, kurashi, a diversifiká servisio i produkto i enfrentá retonan. Dos di nan mas fuerte tabata ora e área kaminda e negoshinan ta situá a inundá pa e yobida di awa intenso a ku orkan Tomás a trese. Den ménos ku 2 aña despues un kandela a destruí gran parti di e negoshinan. Sinembargo, kada biaha e famia i su empleadonan a sa di bini bèk i rekonstruí pa sigui ku legado di Pablo Frederik, pa asina mantené i ekspandé kantidat kuponan di trabou. 

Ganadónan

Ganadónan di e premio máksimo pa premio MCB Komersiante Briante, MCB Komersiante Futuro Briante i premio CHATA Fortalesa Award tabata respektivamente:

A.) El Roi Transport B.V. – (Lisette Fernandes Flores)

B.) Moving Innovation (Creative Media/Extra Wavy & More) – Rovendley Welvaart

C.) Mosa Restaurant  – Khalid Kemp

Tabata un anochi ameno i spesial durante kua e 3 organisashonnan a pone den spòtlait empresanan ku a sobresalí. Alabes a enfoká riba importansia di mundu empresarial pa desaroyo i progreso di nos ekonomia, nos komunidat i pais en general.  


 

Willemstad, 19 november 2021

MCB, CHATA en Global Entrepreneurship Week Curaçao geven een erkenning aan 11 bedrijven

WILLEMSTAD – Donderdagavond werden 11 bedrijven in het zonnetje gezet door Maduro & Curiël’s Bank, CHATA en Global Entrepreurship Week Curacao met een bijzondere erkenning voor de manier waarop deze bedrijven zich hebben ingezet tijdens de pandemie. MCB nomineerde 4 bedrijven voor hun MCB Komersiante Briante Award en genomineerden gaven dit jaar ook 3 bedrijven voor hun MCB Komersiante Futuro Briante Award aan 3 bedrijven die tijdens de pandemie een nieuw bedrijf zijn gestart en die ondanks de uitdagingen een succesvolle start maakten. 

CHATA nomineerde 4 bedrijven die door hun leden werden voorgedragen voor de CHATA Fortalesa Award. 

Global Entrepreneurship Week Curaçao reikte een Lifetime Achievement Award uit aan de familie van wijlen Pablo Frederik, en zijn echtgenoot, die meer dan 80 jaar diverse ondernemende activiteiten ontplooiden en ontwikkelden in Saliña. De heer Frederik was, samen met de heer Jansen van Panaderia Majestic, twee van de eerste lokale ondernemers die een bedrijf neerzetten in Saliña, dat in die tijd voornamelijk bestond uit een gebied ondergelopen met water waardoor er weinig commerciële gebouwen zich vestigden. 

MCB, CHATA en Global Entrepreneurship Week Curaçao kwamen op het idee om samen een Awards Night te houden, vanwege de overtuiging van de drie organisaties, dat door samen te werken veel meer bereikt kan worden. Vooral in deze moeilijk tijden. 

De grote winnaars respectievelijk van de MCB Komersiante Briante Award, MCB Komersiante Futuro Briante Award en CHATA Fortalesa Award zijn:

El Roi Transport  (Lisette Fernandes Flores)

Moving Innovation (Creative Media/Extra Wavy & More) – Rovendley Welvaart

Mosa Restaurant (Khalid Kemp)

###

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: