Pronóstiko di tempu pa Kòrsou i bisindario bálido te djamars mainta 06:00 o.l, 17 di sèptèmber 2019.

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l, 17 di sèptèmber 2019.
Kompilá: 
djaluna 16 di sèptèmber 2019, 05:00 o.l.  (09:00 UTC).

KODIGO HEL: UN MENSAHE DI PREKOUSHON TA NA VIGOR PA KALOR EKSESIVO PA KÒRSOU

Tempu: Leve te parsialmente nublá i un poko kalor.

Temperatura máksimo lo alkansá 35 ºC, i temperatura mínimo di 28 ºC.
Solo ta sali 06:25 i ta baha 18:36 o.l.

Bientu: Generalmente ost i moderá; forsa 3 pa 4 (12 pa 30 km/ora, 7 pa 16 nudo). Ráfaga de bes en kuando basta fuerte; forsa 5 (31 pa 39 km/ora, 17 pa 21 nudo).

Situashon general: Durante di awe djaluna no ta antisipá formashon di nubia signifikante riba nos área i un wer seku lo prevalesé. No opstante esaki, for di djamars, chèns pa un yobida lokal lo subi gradualmente durante resto di e siman aki.  No ta ekskluí ku esaki por bai kompañá pa welek i bos. Mas aleu, fluho di bientu lo bira mas suak den transkurso di e dianan binidero, ku na su turno lo halsa e sensashon di kalor.

Kondishon di laman: Moderá ku altura di olanan entre 1 pa 1.5 meter (3 pa 5 pia).

Sistemanan signifikante di wer tropikal: Tormenta tropikal Humberto ayera anochi a intensivá i a ser kategorisá komo orkan di kategoria 1. E orkan aki ta situá aktualmente nort di islanan di Bahamas riba oséano Atlántiko i lo kuminsá move poko poko den direkshon nortost, alehando su mes for di e kosta ost di Estádos Unídos pero alabes ta proyektá pa pasa serka banda di e isla di Bermuda. Mas aleu, tin dos disturbio tropikal moviendo wèst riba oséano Atlántiko sentral i ta situá aktualmente entre Afrika i laman Karibe. Un di e disturbio nan aki tin potensial pa desaroyá den un depreshon tropikal den e próksimo sinku dianan. Ningun di e sistema nan tropikal aki, ta forma un menasá direkto pa Kòrsou. No opstante esaki, Servisio Meteorológiko Kòrsou ta sigui vigilá desaroyo di e disturbio nan aki.

Fenómeno spesial: Ningun.

Perspektiva te djárason mainta: Ménos bientu huntu ku posibilidat pa un yobida lokal di durashon kòrtiku.

Meteorólogo: Correa.

 

 

 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: