The Fightingteam ta pasa pa e gran final di softbol femenino Liga CSB/MCB 2019
The Fightingteam ta pasa pa e gran final di softbol femenino Liga CSB/MCB 2019
Wikent tras di lomba e ekipo di the Fightingteam a sweep e serie miho di 3 for di Starosa Angels Vanddis. Den e prome Partido di djasabra e ekipo di The Fightingteam a skor 4 kareda den nan ultimo oportunidat pa finalmente gana Starosa Angels ku skor di 4 pa 2. Pa The Fightingteam 4 kareda 3 hit i 1 eror. Picher ganador Lee-Ann Craanberg i miho na bate Ruth-Sainy Calmera di 2-1. Pa Starosa Angels 2 kareda 5 hit i 1 eror. Picher perdedo Leonella Elizabeth i na bate Gesilenne Roojer i Osglimar Mujica di 3-2.
Den e partido number 2 ku a tuma luga djadumingu, e ekipo di The Fightingteam a skor 3 kareda den bom di 6 inning pa bai ku e viktoria ku skor di 3 pa 0 riba Starosa Angels Vanddis. Pa The Fightingteam 3 kareda 6 hit i 0 eror. Picher ganador a resulta Lee-Ann Craanberg i miho na bate Ruthsainy Calmera di 3-2. Pa Starosa Angels 0 kareda 3 hit i 0 eror. Picher perdedo a resulta Leonella Elizabeth i miho na bate Maria Bentura di 1-1.
Ku e 2 resultadonan aki e ekipo di The Fightingteam ta klasifika pa e gran final di klasse A i lo enfrenta e ekipo di Pichingolo Kia/Nissan djabierne 20 september awor.
Den klasse A :
Vipers Elite ta gana di Souax Gill’s 7 pa 0 asina a sweep e serie miho di 5 i titula kampiona di klasse A. Picher ganador den e Partido aki tabata Francheska Luciano i miho na bate e mes i Adhantely Giterson a bai di 2-2. Den e serie aki Jaqueline Sophia a Sali e hungador mas valioso bateando pa un average di 571 i tambe a picha i gana den wega number 2 pa Vipers Elite.
