Petishon di PAR, MAN i PIN: ‘Resultado di ouditoria ICAO’

Presidente di Parlamento

Sr. W. Millerson

Wilheminaplein 4

Presente

 

Kòrsou, 17 di sèptèmber 2019

 

Tópiko: Resultado di ouditoria di e Organisashon Internashonal di Aviashon Sivil  ICAO

 

Apresiabel señor Millerson,

 

Pa medio di e karta aki i hasiendo uso di artíkulo 33 di nos reglamentu di órden,  Frakshon di PAR, MAN i PIN ta tuma e inisiativa pa hasi un petishon pa un reunion di Komishon Sentral Urgente ku e siguiente punto di agènda:’ Resultado di ouditoria di e Organisashon Internashonal di Aviashon Sivil  ICAO.’

 

Durante e temporada di 2 pa 12 di sèptèmber último,  ICAO komo organisashon internashonal ku ta kontrolá i vigilá seguridat a realisá un ouditoria di Kòrsou su aviashon sivil, komo parti di Reino Hulandes. Nos por a tuma nota ku na final di e chekeo aki, Kòrsou a risibí un porsentahe di 46% di kumplimentu. Den kuadro di esaki miembronan di e frakshon di PAR, MAN i PIN kier risibí  di Minister sra. Jesus Leito e informashonnan en e proseso di ouditoria i e pasonan konkreto ku lo bai tuma pa mehorá nos posishon.  

 

Gustosamente nos ke invitá Minister sra. Jesus Leito na e reunion di komishon sentral pa kontestá preguntanan relashoná ku e tema. Nos ta keda pendiente pa a e konvokashon di reunion di Komishon Sentral.

 

Danki di antemano,

 

Ana Maria Pauletta   Rennox Calmes    Elsa Rozendal

PAR PIN MAN