Pronóstiko di tempu pa Kòrsou i bisindario bálido te djarason mainta 06:00 o.l, 18 di sèptèmber 2019.

Pronóstiko

Pronóstiko di tempu pa Kòrsou i bisindario bálido te djarason mainta 06:00 o.l, 18 di sèptèmber 2019.
Kompilá: djamars 17 di sèptèmber 2019, 05:00 o.l.  (09:00 UTC).

Tempu: Leve- te parsialmente nublá i no ta antisipá áwaseru signifikante.

Temperatura máksimo lo alkansá 34 ºC, i temperatura mínimo di 28 ºC.
Solo ta sali 06:25 i ta baha 18:35 o.l.

Bientu: Generalmente ost i moderá; forsa 3 pa 4 (12 pa 30 km/ora, 7 pa 16 nudo).

Situashon general: Durante di próksimo 24 ora, no ta antisipá desaroyo di nubianan signifikante riba nos isla i un wer seku lo prevalesé. Sin embargo, den transkurso di próksimo dianan, e chèns pa áwaseru lo oumenta debí na un ola tropikal situá riba parti oriental di Laman Karibe. E sistema aki ta move den un direkshon wèst i lo krusa nos region durante di djárason i djaweps. Mas aleu, fluho di bientu lo bira mas suak den transkurso di e dianan binidero i komo resultado lo halsa e sensashon di kalor un poko.

Kondishon di laman: Trankil ku altura di ola entre 0.5 pa 1 meter (2 pa 3 pia).

Sistemanan signifikante di wer tropikal: Orkan Humberto ta situá aktualmente wèst di Bermuda riba oséano Atlántiko i ta move poko poko den direkshon ost nortost, alehando su mes for di e kosta ost di Estádos Unídos. Mas aleu, tin un disturbio tropikal moviendo wèst nortwèst riba oséano Atlántiko sentral ku tin potensial pa desaroyá den un depreshon tropikal den e próksimo dianan. Ningun di e sistema nan tropikal aki, ta forma un menasá direkto pa Kòrsou. No opstante esaki, Servisio Meteorológiko Kòrsou ta sigui vigilá desaroyo di e disturbio nan aki.

Fenómeno spesial: Ningun.

Perspektiva te djaweps mainta: Parsialmente te hopi nublá ku algun áwaseru lokal.

Meteorólogo: Abraham.