KUERPO POUSIAL KORSOU

KOMUNIKADO DI PRENSA

001/2026

1 yanuari 2026

Aksidente di trafiko ku morto

 

Risibi notisia manera nan drenta, djis klik riba e link aki:

https://whatsapp.com/channel/0029Va60KGA8aKvCY5S2G81V

Djaweps prome di yanuari 2026, Sentral di Polis a risibl diferente yamada di un aksidente di trafiko ku herido ku a tuma luga na altura di e rotonde Roberto ‘Betta’ Adamus na Parasasa i di kua tin un homber drumi na suela.
Mesora unidatnan polisial a keda dirigi na e sitio i na nan yegada, nan a bin topa un motosiklista riba kaya i ku ya no tabata duna señal di bida.
Personal di ambulans ku a presenta rapidamente na e sitio, no por a hasi nada mas pa e viktima.
For di investigashon ku polis a realisa na e luga di e aksidente, a sali na kla ku e motosiklista tabata bini for di direkshon di Yotin Korta i tabata bayendo den direkshon di Otrobanda.
Na altura di e rotonde enkestion, pa un motibu of otro e vlktima no a regula su velosidat i a bai dal kontra di e baki di mata ku tin riba e rotonde.
A konsekuensia di e slanan ku ela risibi, entre otro fraktura na kabes, el a fayese na e sitio di aksidente mes.
E motorsaikel mes a bai resulta den un labado den besindario.
Dokter di polis a konstata morto, mientras ku personal di Departamentu di
Trafiko ta kontinua ku mas investigashon.
ldentidat di e vlktima ta konosi i lo wordu publika despues.