Partido nobo KEM ta pidi atenshon pa mantenshon di Brùg Nobo

Partido nobo KEM ta pidi atenshon pa mantenshon di Brùg Nobo

Willemstad – Ya pa bastante luna Partido KEM ta mira deterioro di Brùg Juliana, den boka di pueblo Brùg Nobo. Por nota un grado bastante avansá di koroshon na e brùg ku si no tuma akshon riba tèrmino kòrtiko, por presentá situashon di inseguridat pa usuarionan di e brùg. En partikular e “vangrail” di e brùg ta den mal estado i na e punto kaminda esaki ta di las na e brùg por mira bastante koroshon. 

 

Partido KEM ta haña ku, meskos ku na tur otro pais, mester tin un maneho di mantenshon di nos brùg i no mester warda te momentu ku e brùg ta den mal estado pa mantené esaki. Posponementu di mantenshon den transkurso di añanan ta hasi e brùg suak i por kondusí na deterioro rápido ku tur e konsekuenshanan ku esaki por trese kuné. Ta for di 2013 a hasi mantenshon rigoroso di e brùg. Tin un plan pa kuminsá un proyekto di mantenshon e aña aki pero ya nos ta den luna di sèptèmber i ainda nada no a sosodé. Mirando edat di e brùg i e echo ku e ta den un ambiente ku ta kontené hopi salpeter, inspekshon i mantenshon struktural ta di sumo importansha. 

 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: