Tiroteo na Hulanda

Den oranan di anochi, alrededor di 19.15 a tuma lugá un kaso di tiroteo den Hogevecht na Amsterdam-Zuidoost. E viktima tabata kore den un auto riba Langbroekdreef na momentu ku el a keda tirá pa sigur kuater (4) bala. E auto a kore bai dal den muraya di e kazerne di brandweer. E agresor tabata kore huntu ku un otro sospechoso riba un skuter di tres wil, ambos tabata bistí na paña kolor skur ku helm pretu riba kabes. Polis ta pidi komunidat Hulandes pa yuda enkontrá e sospechosonan ku a kore bai riba un skuter di 3 wil den direkshon di Gooiseweg.