July 28, 2026

Latest:

Preguntanan segun artíkulo 96 di Reglamentu di Òrdu tokante bashamentu ilegal di awa residual den área di St. Joris, SHUT i maneho di awa residual na Kòrsou.
Parlamentario pa Frakshon di Movementu Futuro Kòrsou Señor David Seferina na nòmber di frakshon di MFK ta deseá tur nos studiante ku a bai studia na Hulanda hopi éksito
Ta prohibí pa boto óf seadoo pasa riba “drijflijn” drenta e parti asigná pa landa, tambe ta prohibí mara boto óf seadoo na “drijflijn”
No mas sufrimento, mas doño di mascota responsabel Aruba ta move den direccion di un comunidad harmonioso, un doño di mascota responsabel alabez. ORANJESTAD, Aruba – 27 juli 2026: Nos animalnan ta sufriendo. Tur dia, cacho y pushi bandona ta wordo mira riba caya, den solo y den awa, buscando cuminda, proteccion y un tiki cariño. Hopi di nan ta biba den peliger constante, exponi na hamber, enfermedad, accident di trafico y maltrato. E situacion aki no solamente ta afecta e bienestar di e animalnan, pero tambe ta impacta siguridad di hende y otro animalnan, salubridad y calidad di bida den nos comunidad. E problema aki no a surgi di un dia pa otro. E ta resultado di abandono, reproduccion sin control y falta di responsabilidad di ciudadanonan pa cu nan mascota. P’esei, Gobierno di Aruba, pa medio di Ministerio di Salud, Cuido di Adulto Mayor y Adiccion, hunto cu Directie Volksgezondheid (DVG) ta anuncia cu preparacionnan pa un maneho nobo na bienestar di animal y comunidad henter ta den su fase final. E maneho nobo lo enfoca riba promove responsabilidad, preveni abandono y maneha y regula animalnan riba caya segun ley stipula pa asina crea un Aruba mas sigur pa hende y animal. Durante e siguiente simannan, comunidad lo wordo informa paso pa paso riba e diferente aspecto di e maneho nobo y riba kico realmente ta nifica ser un doño di mascota responsabel. E campaña #No Mas Sufrimento, Mas Doño di Mascota Responsabel ta invita tur ciudadano pa forma parti di e cambio. Pasobra solucion di e problema no ta depende solamente di ley y Gobierno, pero tambe di compromiso y responsabilidad di cada ciudadano cu ta biba riba Aruba. Sea bo tambe un doño di mascota responsabel. Cada acto di responsabilidad ta salba un bida. Planta amor, brinda speransa y proteha bienestar di nos animalnan. Hunto For a Harmonious community, one responsible pet owner at a time. Bo Salud, Nos Prioridad Pa mas informacion, like nos Facebook page Directie Volksgezondheid DVG Aruba, follow nos riba Instagram directie_volksgezondheid_aruba, sigui nos den WhatsApp Channel, ricibi tur informacion den Aruba Health App, bishita www.dvg.aw, yama 5224200 of manda email na servicio@dvg.aw
Parlamentario Monte ku preguntanan skèrpi tokante Sefba Invershon sin resultado no ta progreso

KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

Parlamentario pa Frakshon di Movementu Futuro Kòrsou Señor David Seferina na nòmber di frakshon di MFK ta deseá tur nos studiante ku a bai studia na Hulanda hopi éksito

July 28, 2026 REDAKSHON

Parlamentario pa Frakshon di Movementu Futuro Kòrsou

Señor David Seferina na nòmber di frakshon di MFK ta deseá tur nos studiante ku a bai studia na Hulanda hopi éksito

Willemstad 27 di yüli 2026 Frakshon di Movementu Futuro Kòrsou (MFK) ta ekstendé su mihó deseonan na tur e hóbennan ku ayera, 26 di yüli 2026, a sali pa Hulanda pa kuminsá un etapa nobo i importante den nan bida komo studiante. Nos ta deseá nan hopi éksito, sabiduria, perseveransia i bendishon den nan estudio, i ku e eksperensia nobo aki por kontribuí na nan kresementu tantu personal komo profeshonal.

Boso a kuminsá un mishon importante: prepará boso mes pa bira e profeshonalnan ku Kòrsou mester pa sigui progresá. Tuma e oportunidat aki ku determinashon i disiplina, semper ku orguyo di boso rais i konsiente ku Kòrsou ta konta ku boso.

Nos ta animá boso pa sigui boso soñonan ku determinashon, enfrentá kada reto ku balentia i probechá di kada oportunidat ku e etapa nobo aki lo brinda boso.

Kòrsou ta orguyoso di boso. Nos ta spera ku despues di boso estudio, boso lo bolbe kas ku hopi konosementu, eksperensia i idea nobo pa progreso i desaroyo di nos pais. Ora boso bolbe, Kòrsou lo ta kla pa risibí boso ku brasa habrí.

David Seferina
Lider di Frakshon di MFK

Related

639114718427035"

639114718427035"