Ta prohibí pa boto óf seadoo pasa riba “drijflijn” drenta e parti asigná pa landa, tambe ta prohibí mara boto óf seadoo na “drijflijn”

Ta prohibí pa boto óf seadoo pasa riba “drijflijn” drenta e parti asigná pa landa, tambe ta prohibí mara boto óf seadoo na “drijflijn”

Willemstad – Manera ya ta konosí, gobièrnu pa medio di Ministerio di GMN ta hasi esfuersonan pa drecha nos playanan pa nos i bishitantenan di nos isla. Parti di e trabounan aki ta tambe instalashon di “drijflijnen” pa garantisá ku personanan ku ta bishitá playa por rekreá den laman di un forma safe. E “drijflijn” kual ta e kabuyanan ku bui ku ta drif den laman, ta pa separá área di landamentu for di trafikashon marítimo di manera ku personanan riba seadoo òf boto por mira esaki i no drenta den e área asigná pa landa. 

E organisashon pa maneho di Medio Ambiente i Naturalesa (UO MNB), enkargá ku e trabounan aki, ta risibí regularmente keho ku boto i seadoo ta pasa riba “drijflijn” i bai den e área asigná pa landa. Tambe ku ta mara boto na “drijflijn” siendo esaki ta prohibí komo e no ta diseñá pa mara boto i por kibra i konsekuentemente mester bolbe invertí den drechamentu di “drijflijn” pa esnan ku ta rekreá den laman no keda eksponé na posibel peliger di tráfiko maritimo. Den kaso ku seadoo òf boto mester bai kantu, esaki por sosode solamente na momentu ku tin un kaso di emergensia, por ehèmpel problema ku motor, kabuya a pega den chapaleta etc. Na momentu ku hasi esaki mester nabega riba un spit abou tumando e ruta mas kòrtiku. Esaki konforme e Ordenansa di Embarkashon, “Vaartuigenverordening”.

Potret di Tico Vos derecho reserva