DIA INTERNASHONAL DI MUCHA MUHÉ DEN ICT

Willemstad – 27 di aprel 2023 tabata Dia Internashonal di mucha muhé den ICT. Ta selebrá dia aki tur aña riba kada di 4 djaweps di aprel pa enfatisá e importansia di mucha muhé den ICT, i pa enkurashá mas mucha muhé pa siguí un edukashon den ICT. Minister Cooper, enkargá ku TeleKomunikashon, ta felisitá kada mucha muhé, i hóben ku ta studiando ICT aki na Kòrsou, i ta enkurashá mayornan tambe pa stimulá nan yunan pa sigui un karera den e sektor aki, mirando ku esaki ta gran parti di nos mundu di futuro.

Pa mucha muhé i hende muhé hóben por destaká den kareranan den siensia, teknologia, ingeneria, i matematika, nan mester atkerí abilidatnan pa por bira tantu usuario di ICT komo kreadó den e mundu digital. Pa e motibu aki, den konsulta ku hobentut, a indentifiká ‘Digital Skills for Life’ komo e tema di 2023.

E aña aki i kada aña, e Union Internashonal di TeleKomunikashon (ITU) i su partnernan ta traha huntu pa inspirá i enkurashá mucha muhénan den e sektor aki.