Parlamentario Curtley Obispo: Preguntanan i petishonnan a base di e rapòrt titulá: “Ban sembra awe pa nos kosecha mañan”.

Preguntanan i petishonnan a base di e rapòrt titulá: “Ban sembra awe pa nos kosecha mañan”. 

Durante e reunion di Komishon Sentral di Parlamento di Kòrsou, di dia 17 sèptèmber 2019, parlamentario Curtley Obispo a hasi entre otro e siguiente preguntanan na Direktiva di Kámara di Komersio di Kòrsou: (1) Kua ta e pensamentu pa stimulá solidaridat di kontribushon di belasting na tempu, komo parti di Konstruí un Nashon (“Nation Building”)?; (2) Kon solidaridat di kontribushon di belasting na tempu ta kuadra den e vishon nobo?; (3) Kon e kontribushon kolektivo di tur kontribuyentenan na tempu lo por aportá pa asina logra e vishon nobo?; (4) Industria di eksportashon ta klave pa kresementu di ekonomia i tambe drecha e Balansa di Pago di nos Pais Kòrsou. P’esei e pregunta ta kon ta stimulá miembronan pa invertí den e industria di eksportashon?; (5) Ta sostené e idea di un Strategia di Kresementu pa Kòrsou? (6) Kua ta e proyektonan ku ta kla pa ehekutá? 

Tambe parlamentario Curtley Obispo tabata ke midi desaroyonan den miembresia di Kámara di Komersio di Kòrsou a base di sifra. Pa e motibu aki e la hasi e siguiente petishonnan: (1) un raportahe di e Registro di Kámara di Komersio di Kòrsou di e kantidat di miembronan aktivo fin di ougùstùs 2019, 2018, 2017, 2016 i 2015, (2) un raportahe di e Registro di Kámara di Komersio di Kòrsou di miembronan nobo (lokal i internashonal) pa fin di ougùstùs 2019, 2018 i 2017.