Señora di edat hañá morto den kas.

KOMUNIKADO DI PRENSA
386 / 2019
26 sèptèmber 2019
Señora di edat hañá morto den kas.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps 26 di sèptèmber 2019, alrededor di 06.10’or di mainta, Sentral di Polis a haña
notifikashon ku un yu a tuma nota ku su mama tabata bentá abou den kas ku sanger na
nanishi i no tabata duna señal di bida.
Un unidat polisial ku a yega na e sitio a topa ku un señora di 81 aña di edat den e kas i no
tabata duna señal di bida.
Durante un investigashon preliminar ku polis a hasi na e sitio nan a konstatá ku un bentana
di kamber tabata forsá i tur kos den e kamber tabata di boltu.
Alrededor di 07.20’or dokter di polis a konstatá morto di Agnes Maria Damoen, nasé na
Kòrsou, dia 16 di yüni 1938.
Riba òrdu di fiskal di Ministerio Públiko a konfiská e kurpa sin bida pa mas investigashon.
Investigashon den e kaso aki ta kontinuá.