TA SUMAMENTE IMPORTANTE PA NOS KONMEMORÁ  3 DI OKTOBER 1795

 

TA SUMAMENTE IMPORTANTE PA NOS KONMEMORÁ  3 DI OKTOBER 1795

Tur evento, suseso i fenómeno lokal, regional i mundial ku ta memorabel i ku te ainda ta òf por influenshá desaroyo positivamente, mester haña atenshon. E mesun kos ta konta pa persona, lider i héroe ku tabata sentral den e suseso i eventonan aki . Base di atenshon ta reflekshon riba esensia di e fenómeno, suseso o evento. Konmemorashon di un evento òf figura históriko tin komo meta fortifiká kultura, oumentá konfiansa den nos mes i oumentá orguyo propio i fortifikashon di unión bou di pueblo. Héroenan di pueblo mester tin nan dia konmemorativo.

Konsiente di e importansia i impakto di dianan memorabel pa pueblo di Kòrsou su desaroyo den konstrukshon di nashon, Plataforma Sklabitut i Herensia di Sklabitut ta krea un oportunidat pa pueblo honra su héroe nashonal Tula i tur e otro héroenan, hòmber i muhé di e lucha pa libertat, igualdat i faternidat di 1795.

Ta riba 3 di òktober 1795 a mataTula i un kandidat di otro líder dilanti Kas di Gobernadó. Ta p’esei nos mester bini huntu tur 3 di òktober pa konmemorá nos ansestronan ku a lucha pa nos por ta ken nos ta awe. Pero ta keda na nos, kiko nos ta bai hasi pa sigui ku e lucha.

Djaweps awor 3 di òktober di 18.30 pa 21.00 di anochi, Plataforma Sklabitut i Herensia di Sklabitut lo harma un tribunal riba e plenchi dilanti Kas di Gobernadó pa diskutí e rehabilitashon di Tula den forma di dramatisashon, kanto i ritual.

 

Hala bin aserka i ban diskutí e ròl di Tula pa nos komunidat di awe. Kòrda e palabranan di e filósofo Marcus Garvey: :“Un pueblo sin konosementu di su historia, ta manera un palu sin rais. 

Hala serka na e plenchi dilanti Kas di Gobernadó, kaminda na 1795 nan a mata kruelmente nos héroenan di e lucha pa libertat di 1795.

Pa mas informashon, por tuma kontakto ku:

Marlon Regales na 5173294

Jeanne Henriquez na 6669973 

Frank Quirindongo na 5226982.