Servisio pa Tráfiko i Transporte ta rekordá públiko ku entrante promé di òktober por paga solamente via di e sistema di swipe

Servisio pa Tráfiko i Transporte ta rekordá públiko ku entrante promé di òktober por paga solamente via di e sistema di swipe

Geplaatst op 27 Sèptèmber 2019 dor di Ministerio di Tráfiko, Transporte i Planifikashon Urbano
Willemstad – Ministerio di Tráfiko, Transporte i Planifikashon Urbano ta rekorda publiko engeneral ku entrante prome di oktober 2019, por hasi diferente pago na Servisio pa Tráfiko i Transporte (VV) solamente via di e sistema di ‘swipe’ ku karchi di banko òf ku komprobante di banko.

Ku e sistema aki Ministerio di Tráfiko, Transporte i Planifikashon Urbano lo brinda e kliente un servisio na momentu di pago ku ta lihé, fásil i sigur. E aspekto di seguridat ta hopi importante awendia prinsipalmente kaminda tin transakshon di sèn kèsh. Ta pa esei lo no bai risibí sèn kèsh mas pa trabounan ku servisio pa Tráfiko i Transporte ta realisá.

Na lugá di paga ku sèn kèsh por hasi uso di ‘swipe’ i tambe por hasi depósito “storting” riba e number di kuenta di “UO VERKEER EN VERVOER” na Girobank 1100054 . Mester hasi menshon di plachi number di e vehíkulo na banko i trese e komprobante di pago na servisio pa Tráfiko i Transporte.

Servisio pa Tráfiko i Transporte (VV) ta pidi komunidat pa tene kuenta ku e kambio aki pa ora nan mester realisá kualke transakshon finansiero. VV ta pidi su diskulpa pa kualke inkumbiniensia ku esaki por a trese kuné, i ke rekordá ku esaki ta pa garantisá prinsipalmente seguridat di un i tur.

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: