Diálogo Demokrátiko pa yega na un ‘Destination Development Plan’ pa Kòrsou / Democratic Dialogue Towards a Curaçao “Destination Development Plan”
Diálogo Demokrátiko pa yega na un ‘Destination Development Plan’ pa Kòrsou
WILLEMSTAD – 27 di sèptèmber 2019 – Riba Dia Mundial di Turismo, 27 di sèptèmber 2019, Ofisina di Turismo di Kòrsou (CTB) den estrecho koperashon ku Ministerio di Desaroyo Ekonómiko (MEO), Curaçao Hospitality & Tourism Association (CHATA) i United Nations Development Programme (UNDP) a tene un Diálogo Demokrátiko dirigí riba Turismo. Meta di e Diálogo Demokrátiko tabata pa risibí idea ku lo por keda usá na momentu di formulashon di e Plan Stratégiko pa Desaroyo di Destinashon Turístiko dirigí riba Kòrsou (Destination Development Plan). Durante di e apertura a hiba palabra Minister di Desaroyo Ekonómiko, sra. Giselle Mc William i CEO di CTB sr. Paul Pennicook.
Despues di e apertura ofisial, a sigui primeramente un presentashon kaminda tur presente por a haña un bista general di e industria di turismo. Un total di 70 persona a partisipá na e diálogo. Ta trata aki di personanan for di sektor públiko i privá, organisashonnan no-gubernamental (NGO) i komunidat. E diálogo a tuma lugá den grupo ku asistensia di e fasilitadonan di UNDP. E gruponan a haña 3 diferente pregunta pa dialogá riba dje. For di e diálogo den grupo, a sali puntonan di prioridat ku a keda skohe di forma demokrátiko pa tur presente.
Durante pousa e partisipantenan por a partisipá na diferente workshop dirigí riba ‘experiential tourism’ presentá pa empresarionan lokal. Na final e prioridatnan ku a keda presentá tabata generalmente enfoká riba formanan di transporte alternativo pa di e manera ei brinda oportunidat na nos bishitantenan pa eksplorá nos isla. Tambe e partisipantenan a sugerí pa eksplorá e posibilidat pa ofresé más eventonan kultural den sentro di siudat.
Minister Giselle Mc William i sr. Paul Pennicook a ekspresá nan satisfakshon pa e manera kon e diálogo a kana i a gradisí tur ku di un manera demokrátiko a sa di trese nan sugerensianan i rekomendashonnan dilanti.
Nota:
Impreshon fotográfiko di e Diálogo Demokrátiko riba Turismo
Democratic Dialogue Towards a Curaçao “Destination Development Plan”
WILLEMSTAD – September 27, 2019 – On September 27, 2019, World Tourism Day, the Curaçao Tourist Board (CTB), in close collaboration with the Ministry of Economic Development (MEO), the Curaçao Hospitality & Tourism Association (CHATA) and the United Nations Development Programme (UNDP), held a Democratic Dialogue focusing on tourism. The Dialogue was aimed at gathering ideas to be used in formulating Curaçao’s Destination Development Plan. Speakers at the opening session included the Minister of Economic Development Ms. Giselle Mc William and CTB CEO, Mr. Paul Pennicook.
The official opening was followed by a presentation offering general insight into the tourism industry to 70 individuals from both the public and private sectors, NGOs and the community in general participating. The dialogue was held in groups assisted by UNDP facilitators. The groups were asked to explore three questions and all present were able to participate democratically in prioritizing a number of actions.
During the break, the participants were able to interact informally by participating in a number of experiential tourism related workshops offered by local entrepreneurs. At the conclusion, the priorities that were presented generally focused on offering alternative transportation options so as give the opportunity to our guests to further explore the island. In addition, the participants suggested to further assess the possibility to display/expose cultural events of the city center.
Minister Giselle Mc William and Mr. Paul Pennicook expressed their satisfaction about the way in which the dialogue had developed and thanked all those who brought forward their suggestions and recommendations.
Nota:
Photo impression of the Democratic Tourism Dialogue