Ministerio di VVRP ta instalá un sistema di riolering nobo den Oranjestraat
Ministerio di VVRP ta instalá un sistema di riolering nobo den Oranjestraat
Geplaatst op 30 Sèptèmber 2019 dor di Ministerio di Tráfiko, Transporte i Planifikashon Urbano
Willemstad – Minister di Tráfiko, Transporte i Planifikashon Urbano, sra. Zita Jesus Leito huntu ku Servisio di Obra Públiko (OW) ta anunsiá ku e próksimo proyekto finansiá pa Komunidat Oropeo a kuminsá. E proyekto aki ta instalashon di un sistema di riolering nobo den Oranjestraat.
E sistema di riolering nobo lo separá awa di tualèt for di áwaseru ya asina ora tin “stortbui”, áwaseru torensial, por evitá ku e awaseru ta yena (“overbelast”) e riolering existente i resulta (fireback) den kas di habitantenan.
E trabounan ta kuminsá fin di luna di Sèptèmber 2019 i lo tin durashon di 3 luna. Lo kibra Oranjestraat for di entre Scheveningenstraat i Velpstraat. E kontratista enkargá ku e trabounan ta MNO-Vervat. Lo tin desviashon di tráfiko segun reglanan stipulá pa polis di tráfiko. Ta sòru pa habitantenan i komersiantenan keda ku akseso na nan kas òf negoshi. OW ta pidi tur outomobilista pa sigui e indikashonnan i kore ku koutela.
OW ta gradesí komunidat adelantá pa e pasenshi i koperashon. Por bishita e website www.vvrp.cw/proyekto pa tur informashon i desaroyo di proyektonan di OW.
