Un detenshon en konekshon ku maltrato relashonal.

KOMUNIKADO DI PRENSA 391 / 2019
29 sèptèmber 2019
Un detenshon en konekshon ku maltrato relashonal.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djadumingu 29 di sèptèmber 2019, alrededor di 09.47 or di mainta, Sentral di polis a dirigí
un unidat polisial na Kaya Elegansia, kaminda tin un pareha ku tabata bringando.
Na yegada di e unidat, el a topa un hòmber ku un kap na haltura di su lep parti ariba ku
tabata sangrando. E hòmber víktima a deklará na polis ku un ratu promé despues di un
diskushon den outo ku a terminá ku un bringamentu pafó di e outo, el a keda maltratá. Su
pareha a maltrat’é ku un yabi pa lòs mur di wiel. For di e investigashon e agentenan a
konstatá ku e hòmber víktima a pèrdè algun djente.
Na e sitio polis a konfiská e yabi ku a keda uzá i a detené e dama V.L.V., nase na Kòrsou di
22 aña di edat, pa maltrato ku arma.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.