Kaso di atrako ku tres detenshon.

KOMUNIKADO DI PRENSA
392 / 2019
1 òktober 2019
Kaso di atrako ku tres detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 1 di òktober 2019 alrededor di 15.48 or, Sentral di Polis a risibí notifikashon di un
kaso di atrako ku tabata tumando lugá den un kantor di number den área di Dein. Tres (3)
hòmber ku kara tapá ku arma di kandela a drenta e establesimentu i bou di menasa a bai ku
plaka kèsh. Despues di nan akto nan a drenta un vehíkulo blou i bai for di e sitio.
Mesora unidatnan polisial a kuminsá ku un búskeda den e área. Riba Helmin Magno Wiels
Blvd. un unidat a señalá e vehíkulo aki, ku tres hòmber sospechoso aden. Polis a start un
persiguishon tras di e vehíkulo i a lòs tiru di advertensia pero e sospechosonan no a duna
oido na esaki i a sigui ku nan huida. Durante di nan huida un di e sospechosonan a tira un
arma di kandela for di e outo. Den Dwarsweg na Julianadorp e unidatnan a logra di detené
e sospechosonan. Despues di un búskeda kòrtiku riba e ruta di huida polis a bin haña e
arma di kandela. Ta trata di e hòmbernan sospechoso:
 E.J.E.A. di 37 aña di edat,
 J.D.B.P. di 34 aña di edat i
 J.C.J. di 43 aña di edat, tur tres nase na Venezuela.
Durante di un kontrol den e outo e agentenan a haña algun saku di plaka prosedente di e
ladronisia. A konfiská e vehíkulo, e saku di plakanan i e arma di kandela pa mas
investigashon.
A presentá e trio sospechoso dilanti un fiskal ouksiliar ku a ordená nan enkarselamentu
pendiente di mas investigashon.