Novèmber 1,2 i 3 ta e dianan pa e promé edishon di Curaçao All In One Living Fair 2019
Novèmber 1,2 i 3 ta e dianan pa e promé edishon di Curaçao All In One Living Fair 2019
E konsepto di expo na Kòrsou lo konosé un evento otro den tur sentido. Pa algun luna kaba a bin ta traha riba un konsepto diferente ku e mente riba e desaroyo nan ekonómiko di Kòrsou den mente. Curaçao All In One living Fair tin komo meta pa stimulá, eduká i konsientisá e konsumidó di preis i produkto nan ku tin na Kòrsou. Un evento familiar ku lo tin algu for di momento ku nos nase te na momento di nos último ayó.
Pa e evento di 1-2-3 di novèmber a skohe Because Entertaiment Center pa asina duna akseso na komunidat kompleto pa por bishita e Fair aki. A repartí Because den 4 Área.
– Un área pa produkto i komersiante lokal, aki lo haya e agrikultor, artesano i tur esnan ku ta produsí lokalmente.
– Un área pa kompania nan di kas “Home Improvement”, den e área aki lo haya banko, kompania nan ofresiendo tur material pa konstrukshon, kushina, baño, hardin, tegels, pest controls, seguro, informashon di seguro di entiero, konstrukshon i mantenshon di pool i muchu mas.
– Un área di Salu i Beyesa, den e sekshon aki lo tin dòkter, sikólogo, dietista, laboratorio, produkto pa kuido personal, kuido di kabei, barbershop, beauty salon, spa, tratamentu pa baha di peso i muchu mas.
– Un Foodcourt ku e “Food Truck Competition 2019”, nos área ku mas o ménos 10 trùk di pan kompetiendo pa e Best Food Truck na Kòrsou.
E evento lo konta ku algu pa tur hende, asta pa nos mucha nan lo tin un “Kids Area”.
Entrada pa e living fair aki lo ta únikamente 5 florin. Mucha bou di 10 aña lo drenta grátis. Orario nan pa e fair lo ta djabièrnè i djasabra for di 5pm te ku 11pm i djadumingu for di 10am te ku 8pm. Tur persona ku drenta e fair lo tin e oportunidat di Gana un skuter Yamaha ku lo ser rifa djadumingu 3 di novèmber pa 7pm.
Curaçao All In One living Fair kier a gradisí tur nos vendors nan ku a djòin pa e tremendo fair aki i ta invitá pueblo pa keda pendiente den e medio nan di komunikashon pa e promoshon i detaye nan ku durante e luna di òktober kompleto lo ser anunsiá. Lo tin hopi deskuento i oferta nan atraktivo pa tur esnan ku ta preparando pa e temporada di fin di aña.
