Alerta pa video den kua ta imitá polis.

KOMUNIKADO DI PRENSA 400 / 2019
4 òktober 2019
Alerta pa video den kua ta imitá polis.
Departamentu di Komunikashon i Prevenshon
Página 1
KUERPO POLIISIAL SIRBI I PROTEHÁ

Resientemente Kuerpo Polisial a tuma nota di un video ku ta den sirkulashon, riba kua por konstatá dos tipo ku ta para un vehíkulo i ta ordená okupantenan di e vehíkulo aki pa habri e baul di nan outo i pa benta e yabi abou.
Na promé lugá polis ta refutá ku ta trata aki di miembronan di Kuerpo Polisial ku di e forma aki a para un vehíkulo, asta menasando e okupantenan ku nan lo tira.
Ta bon pa enfatisá ku e akshon aki, na unda ta menasa siudadanonan i usa kalidat (funshon) falsu, ta kastigabel pa lei.
Banda di esei, e situashon aki ta unu sumamente peligroso, ya ku pa e siudadano ta bira hopi difísil i konfuso pa sa, ki ora ta trata di polis ku ta par’e i ki ora no.
En konekshon ku e suseso aki, polis ta supliká esnan ku a bira víktima, pa pasa na un di e wardanan pa asina ei hasi un denunsia ofisial.
Finalmente polis ta hasi un supliká na esnan ku ta hasi e chansa di mal gustu aki, pa stòp inmediatamente kuné, ya ku e ta bai kontra di e seguridat ku nos ta hasiendo esfuerso tur dia di nobo pa establesé den nos komunidat.

This site uses Akismet to reduce spam. Learn how your comment data is processed.

%d bloggers like this: