Detenshon relashoná ku kaso di asesinato.

KOMUNIKADO DI PRENSA
398 / 2019
4 òktober 2019
Detenshon relashoná ku kaso di asesinato.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Kontinuando ku un investigashon relashoná ku un kaso di asesinato ku a tuma lugá 22 di
yüni 2019 na Rooi Santu, polis a hasi tres entrada hudisial ku detenshon.
Djabièrnè 4 di òktober 2019 alrededor di 04.40’or di mardugá, personal di Divishon di
Krímen Organisá konhuntamente ku Tim di Aresto i Tim di Mantenshon di Órdu Públiko a
tene entrada hudisial den tres kas na Rooi Santu. Durante investigashon den e kasnan polis
a detené e hòmbernan sospechoso:
 D.D.P. nasé na Kòrsou di 28 aña di edat;
 J.M.N. nasé na Kòrsou di 30 aña di edat;
 Y.L.W. nasé na China di 22 aña di edat.
Den e kasnan polis a konfiská artikulonan ku ta di importansia pe investigashon. Tambe
polis a detené un dama di 21 aña di edat, di nashonalidat Venezolano ku no tabatin e
dokumentunan nesesario pa por permanesé riba nos isla. A entregá e dama na
Departamentu di Imigrashon.
A presentá e hòmbernan sospechoso dilanti un Fiskal Ouksiliar ku a ordená nan
enkarselamentu pendiente di mas investigashon.