Byside ta bati kasa na trabou Komedia Muhenan Frus
Byside ta bati kasa na trabou Komedia Muhenan Frus
Willemstad, Djasabra 5 oktober lo tin e ultimo funshon di Muhenan Frus. Un komedia skibi i dirigi pa Sulaika Lourens presenta pa grupo di komedia Mi Teater.
Muhenan Frus ta un komedia kaminda bo ta haña diferente hende muhe ku nan mes karakter, pensamentu i aktitut. Shuma ta kasa ku Ray un wardado na prison. Ray na su turno tin Uka, un muhe hopi frus ku ta kana buska problema tur kaminda pero Ray no tin Uka so, e tin Lola tambe, un latina ku ta sera den prison.
E komedia aki a estrena dia 3 di augustes na Because Entertainment Center i djasabra aki dia 5 di oktober nan lo ta na Teatro Luna Blou ku nan ultimo funshon.
Pronto Mi Teater lo ta ba Bonairu pa asina presenta Muhenan Frus pa e pueblo Boneriano.
Ku aktuashon di Dynaica Isidora-Carty (Shuma), Tashanara Ines (Uka), Ronessa Marten (Naro), Lilimar Valencia (Lola), Maurienne Leitoe (Mamush), Verlon Donker (Ray), Ellismar Hooi (Tiby), Gedeon Martina (Puki).
Djasabra 5 di oktober 9or di anochi na Teatro Luna Blou.
Karchi optenibel serka Gedeon Martina na +5999 516-5263 of Sulaika Toppenberg Lourens na +5999 520-1200
