MINISTER SUZY CAMELIA-RÖMER TA SUPLIKA UN I TUR PA KUIDA NAN BESTIANAN DI KAS MAS MIHO. 

MINISTER SUZY CAMELIA-RÖMER TA SUPLIKA UN I TUR PA KUIDA NAN BESTIANAN DI KAS MAS MIHO. 

Willemstad – Dia 4 di ὸktober  dia Mundial di Bestia. Den e kuadro ei minister Camelia-Römer ta hasi un súplika na tur habitantenan di Kὸrsou pa kuida nos bestianan di kas mas mihó. Durante añanan nos ta mira ku e kantidat di bestianan ku ta kana los rὸnt riba kaya a oumentá. E kantidat di bestianan ku tin tristesa ὸf ku ta haña maltrato tambe a oumentá.   

Minister Camelia -Römer ta boga pa salú di bestia, i esei ta nifiká ku nos mester kuida nos bestia di kas. Dor di dune sufisiente kuminda ku ta saludabel pe bestia, dor di sὸru pa e ta haña e kuido nesesario, p.e. hibe dὸkter di bestia, duné un kouchi adekua, no maltraté i duna hopi atenshon. Esnan ku tin bestia di kas mester soru tambe pa laga sterelisá nan na tempu pa no haña demasiado yu ku bo mes no por kria. Paso ta pa e motibu ei tambe hopi bestia (kacho) ta zwèrf riba kaya. 

Bestia ta amigu di hende, den sierto situashon nan ta guia, kompaño, protektor di hende. Pa hopi hende nan tin influensha terapéutiko. 

Awe ta un dia pa duna nos bestia mas atenshon i si bo mira un bestia den pena na un lugá ageno hasi algu pa saké foi su sufrimento dor di meldu na outoridat kompetente. 

Pa esnan ku ta stima i kuida nan bestia Minister Camelia -Römer ta deseá  ku nan por disfruta di nan bestia su kompania. 

FELIS DIA DI BESTIA 2019.