WAK E VIDEO I WAK E POTRET: Petishon pa yudansa di komunidat.

 

KOMUNIKADO DI PRENSA
395/ 2019
3 òktober 2019
Petishon pa yudansa di komunidat.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Riba 25 di ougùstùs 2019 alrededor di mitar di dos di mardugá un hobensita a wòrdu
sekuestrá riba Caracasbaaiweg na altura di un trùk di pan. E malechornan (un persona di
sekso maskulino i unu femenino) a mara e damsita aki na su man i pia, tapa su wowonan, i
bai ku e damsita aki kontra su boluntat na dos diferente bankomátiko, i a oblig’e saka sèn
for di tur dos bankomátiko. Unu den e bario di Jandoret i unu den bario di Buena Vista. E
malechornan a trata na diferente okashon di choke i despues ku nan a logra saka sèn for di
e bankomátikonan nan a bent’e, mara na su man ku pia, for di baranka na e mirador mei
mei di Kenepa chikí ku Kenepa grandi.
Polis ta hasi un súplika na kualke persona ku por rekonosé e persona riba e grabashon aki of
ku tin informashon tokante di e kaso aki, pa por fabor mèldu esaki na polis via di e
numbernan 917 òf 108, kual ta e liña anónimo.