Pronóstiko di tempu pa Kòrsou i bisindario bálido te djasabra mainta 06:00 o.l, 12 di òktober 2019.

Pronóstiko

Pronóstiko di tempu pa Kòrsou i bisindario bálido te djasabra mainta 06:00 o.l, 12 di òktober 2019.
Kompilá: djabièrnè 11 di òktober 2019, 05:00 o.l. (09:00 UTC).

Tempu: Generalmente hopi nublá ku temporalmente un yobida pasahero. Tambe tin chèns pa bos zona.

Temperatura máksimo lo alkansá 30 ºC, i temperatura mínimo di 27 ºC.
Solo ta sali 06:25 i ta baha 18:20 o.l.

Bientu: Direkshon ost sùitost i por lo general moderá; forsa 3 pa 4 (12 pa 30 km/ora, 7 pa 16 nudo). Prinsipalmente den áwaseru, de bes en kuando basta fuerte te fuerte den ráfaga; forsa 5 te 6 (31 te 50 km/ora, 17 te 27 nudo).

Situashon general: Durante próksimo oranan tempu lo keda kondusivo  pa formashon di nubia ku lo trese momentunan di áwaseru riba diferente parti di nos isla i bisindario kompañá pa welek i bos. Mas aleu, no ta antisipá muchu kambio den e régimen di bientu aktual ku eksepshon na momentunan di un yobida esaki por supla lokalmente algu mas fuerte.

Kondishon di laman: Por lo general trankil ku altura di olanan entre 0.5 i 1.5 meter (2 te 5 pia).

Sistemanan signifikante di wer tropikal: Ningun.

Fenómeno spesial: Ningun.

Perspektiva te djadumingu mainta: Parsialmente te hopi nublá ku algun áwaseru posiblemente kompaña pa welek i bos.

Meteorólogo: Correa.