Grupo Paraiso Hubenil tin su Embahadornan Hubenil 2020
Grupo Paraiso Hubenil tin su Embahadornan Hubenil 2020
Grupo Paraiso Hubenil a tene elekshon pa asina por skohe nan embahadornan pa Marcha Hubenil 2020.
Esnan ku a keda eligí lo bai partisipá na elekshon Reina, Prens i Pancho Hubenil 2020 ku lo wòrdu organisá den luna di yanüari pa Fundashon JAG.
Un públiko grandi a asistí pa asina apoyá nos hóbennan. Komo Prens a keda eligí Earlyson Cafsia ku tambe a keda komo Rei Talento, Pancho a resultá Orlando Zimmerman. Nan lo bai forma e tremendo duo pa Grupo Paraiso Hubenil.
Di tres finalista, Reina Internet a keda Ariene Dortalina, di dos finalista Achlien Sanchez Gomez, promé finalista, Tyshandrilleys Ignacio i komo Reina Paraisio Hubenil, Reina Talento i Partisipante Mas Popular a resultá Ariana Winterdaal.
Pabien na tur e seis partisipantenan ku a duna tremendo presentashon. Grupo Paraiso Hubenil kier rekordá ku ainda tin algun lugá pa por inskribí pa Marcha Hubenil 2020, por tuma kontakto na number di telefon 525 2222 òf inskribí riba nan página di Facebook Paraiso Hubenil.