Dos detenshon pa un kaso di ladronisia.

KOMUNIKADO DI PRENSA
426 / 2019
17 òktober 2019
Dos detenshon pa un kaso di ladronisia.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps 17 di òktober 2019, alrededor di 04.43 or di mardugá, Sentral di Polis a risibí
notifikashon ku den un negoshi riba F.D. Rooseveltweg deskonosínan ta hòrtando.
Informashon adishonal ku sentral a risibí ta ku nan ta move den un outo mitsubishi.
Na momento ku e unidat polisial tabata riba kaminda pa e sitio, el a señala e vehíkulo aki,
ku dos (2) okupante maskulino den dje. E agentenan a blòkia e vehíkulo aki riba Biminisweg
i a detenè e dos (2) sospechosonan. J.Ch.N., di 51 aña di edat i A.J.D.H., di 17 aña di edat.
Ámbos nase na Kòrsou.
Durante di un kontrol den e outo, polis a haña hanskun i artíkulonan ku probablemente ta
prosedente di e ladronisia ku nan a kometé den e negoshi ariba menshoná. A konfiská tantu
e vehíkulo komo e artíkulonan.
A presentá e sospechosonan dilanti di un Fiskal Ouksiliar ku a ordená nan enkarselamentu
pendiente di mas investigashon.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: