Gran Konsierto di Jazz den Punda

Gran Konsierto di Jazz den Punda

 

Djaweps 31 di òktober benidero Fundashon DOJACMC, konhuntamente ku su  sponsernan i den kuadro di e proyekto ‘Punda Vibes’ di DMO, lo presentá un konsierto titulá ‘Jazz Vibes Live’. Ta trata aki di un evento musikal gratis di alto nivel ku lo tuma lugá riba Plaza JoJo Correa di 7’or pa 10’or di anochi. Durante di e evento aki, organisá i presentá pa LadyMo, lo tin aktuashon di e legendario saksofonista di Jazz yu di kòrsou James Willekes (JJ COOL) i The Cool Jazz Experience Band, kompañá pa maestro Gregory Colina.

Den kuadro di aktividatnan den Sentro di Siudat relashoná ku Halloween, DOJACMC Foundation ta invitá tantu mucha komo hende grandi pa partisipá na un asina yamá ‘inter-active jazz jam’ entre 6’or to 6:45’or, siguí pa un akto di promoshon spesial di e produkto nobo ‘Kool Soda’ dor di Bofrei Agencies.   

Den e kuadro di e ‘inter-active jazz jam’ menshoná ariba, Direktor di Banda JJ COOL ta supliká mayornan pa laga nan yunan bini ku nan instrumento favorito i asina partisipá den forma espontáneo ku e músiko profeshonalnan di jazz na e jazz jam session aki. Den mesun rosea JJ Cool ta rekòrdá mayornan pa bini ku nan telefon i kamera pa kaptá e momentu grasioso aki. 

Adishonalmente lo tin e posibilidat pa kompra di tur sorto di produkto bunita manera obra di man i hoyas riba Plaza JoJo Correa. Igualmente lo tin un kantidat limitá di e Jazz Legend Postal Stamp na benta, miéntras ku un bar lo ofresé snèks i bibida. Tambe lo tin un sorteo gratis kaminda presentenan por gana premionan atraktivo ofresé pa algun sponsor. Bin disfrutá di un tremendo nochi musikal, kompañá pa vürwerk. Ta supliká tur hende bini ku nan mes stul.   

Pa mas informashon bishitá página ‘DMO Punda Loves You Event’. Pa posibilidat di benta, tuma kontakto ku Sekretario di Fundashon DOJACMC, LadyMo via email: kuumadecor@yahoo.com òf yama: 675-5027.  

 

                                                                                   Edna Monifa Willekes 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: