Gabinete Rhuggenaath ta bati pueblo ku medida, departamento di belasting ta kore tras di siudadanonan pa kobra belasting, miéntras ta subi presupuesto pa aña 2020 di Ministerio di Asuntunan General drástikamente

Gabinete Rhuggenaath ta bati pueblo ku medida, departamento di belasting ta kore tras di siudadanonan pa kobra belasting, miéntras ta subi presupuesto pa aña 2020 di Ministerio di Asuntunan General drástikamente

 

Ku asombro frakshon di MFK a tuma nota ku Ministerio di Asuntunan General ku ta kai bou di promé Minister Rhuggenaath a subi nan presupuesto drástikamente kompará ku presupuesto di 2020.

 

Pueblo ta wòrdu bati rònt su kurpa ku medida, kantidat di yu di tera ta pèrdè trabou i debí na e mal maneho te hasta un instrukshon (aanwijzing) e gobièrnu aki a haña. Pero manera ta parse e instrukshon aki ta pa pueblo di Kòrsou so, gobièrnu (lesa Ministernan di e gabinete aki) si no tin pensa di sakrifiká.

 

Presupuesto di entidatnan bou di nan responsabilidat ta subi kompará ku e aña anterior, biahenan ta sigui manera kos ku gobiernu no tin problema finansiero. Tur e problema finansiero ku Kòrsou ta eksperensia su konsekuensianan ta pa saku di pueblo di Kòrsou so. Medida i mas medida kontra di pueblo.

 

Parlamento ta e úniko orégano di estado ku a konosé un bahada den su presupuesto, Parlamento su presupuesto a konosé un bahada di 1 mion florin kompará ku presupuesto di 2019. 

 

Mira e lista aki, pa bo pueblo di Kòrsou ku gabinete Rhuggenaath no ta interesá den abo komo siudadano. Interes di e Ministernan di e gabinete aki ta wòrdu pone na promé lugá. Pa pueblo di Kòrsou ta un formulá tin, Medida i Pèrdida di Trabou;

 

  1. Gewone dienst di Ministerio di Asuntunan General ta subi di 45.258.403,00 pa 48.818.100,00 mion. 

 

  1. Direktorado di “Risicobeheer & Rampenbeleid” den kapitaaldienst ta haña un subida di Nafl. 21.450.442,00  pa Nafl. 25.334.900,00. 

 

  1. Raad van Advies su presupuesto ta subi di 2.0 mion pa 2.1 mion

 

  1. Algemene Rekenkamer su presupuesto ta subi di 7.89 mion pa 7.92

 

  1. SER/GOA nan presupuesto ta subi di 2.6 mion pa 2.8 mion

 

  1. Ombudsman su presupuesto ta subi di 1.9 mion pa 2.2 mion

 

  1. Gemeenschappelijk Hof van Justitie nan presupuesto ta subi di 15.7 mion pa 16.2 mion

 

  1. Kabinet van Gevolmachtigd Minister nan presupuesto ta subi di 4.4 pa 4.8 mion (no mester a tuma ningun medida na Hulanda pa kiko ta subi e presupuesto)

 

  1. Kabinet Minister AZ (personal ku ta labora pa Minister Rhuggenaath) nan presupuesto ta subi di 1.3 mion pa 1.4 mion

 

  1. Veiligheidsdienst nan presupuesto ta subi di 5,2 mion pa 5.3 mion

 

  1. Wetgeving en Juridische Zaken nan presupuesto ta subi di 3.8 mion pa 4.8 mion

 

Un gobiernu ku a risibí un instrukshon na lugá di baha gastu i trata na oumentá e forsa di kompra di pueblo di Kòrsou, ta subi presupuesto pa por dispone di sufisiente sèn pa paga amigunan konsultant.

 

Gilmar Pisas

Lider di frakshon 

pa MFK

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: