CIBC FIRSTCARIBBEAN WALK FOR THE CURE 2019 A BOLBE YENA KAYANAN DI WILLEMSTAD DEN KUADRO DI E LUCHA KONTRA KANSER

CIBC FIRSTCARIBBEAN WALK FOR THE CURE 2019 A BOLBE YENA KAYANAN DI WILLEMSTAD DEN KUADRO DI E LUCHA KONTRA KANSER

 

Willemstad, 22 di Òktober 2019– Un grupo di kanadó entusiasmá a uni den un kousa noble ora ku nan a kubri 6 kilometer di e CIBC FirstCaribbean Walk for the Cure 2019 kanando den kayanan di Willemstad, yen di ambiente.

 

E kaminata, ku ta keda tené pa di ocho biaha, a kubri su ruta tradishonal dor di pasa dor di kayanan di Punda, Pietermaai i Steenrijk. Manera ta un tradishon e kaminata a kuminsá i kaba na CIBC FirstCaribbean na De Ruyterkade # 61.

 

Ta tene CIBC FirstCaribbean Walk for the Cure den tur e 17 teritorionan kaminda e banko ta operá den Karibe. Miles di kanadó ta subi kaya paña un forma uní,demonstrá nan kompromiso pa asistí esnan afektá pa kanser.

 

Tur loke keda generá den e esfuerso regional aki ta bai pa sostené kuido nesesario kontra di kanser, kompra di ekipo vital pa tratamentu di pashèntnan i programanan di edukashon pa krea mas konsenshi tokante di e malesa den henter region. Tur loke keda generá pa medio di CIBC FirstCaribbean Walk for the Cure, Golf for the Cure òf otro aktividatnan pa generá fondo na Kòrsou ta bai pa Stichting Prinses Wilhelmina Fonds. Durante di e último 7 añanan a logra generá riba ANG165.000,- ku e aktividatnan aki na bienestar di e fundashon.

 

E banko a ekspresá su gratitut pa e donashon generoso di kontribuidornan korporativo ku a kontribuí e aña aki pa sostené e kaminata, i tur e kompania i personanan ku a partisipá na e aktividatnan pa generá fondo ku a keda organisá pa e Komité organisadó di e kaminata. CIBC FirstCaribbean ke gradisí AD, Always, Amigoe, Extra, Hyundai, LBH Group, NuCuraçaoWindparken B.V. i Tampax pa nan sosten na e kaminata. Banda di esaki e banko ke gradisí tambe Gillette, BMW, Nissan, Jeep, DiviDivi Air, Amigoe i Extra kendenan a sostené Golf for the Cure e aña aki.

 

“Nos ke gradisí tur ku a djòin nos den e kaminata i otro aktividatnan den lus di Walk for the Cure 2019.  Nos a sinti nos masha honrá ku e sosten di nos Miss Universe Curaçao Srta. Kyrsha Attaf duná na e kaminata. Un danki speshal ta bai pa nos patrosinadònan lokal i regional i tur ku a gòlf òf kana ku nos” asina Lysaira Ortela, Marketing Manager di CIBC FirstCaribbean in Curaçao a bisa.

 

“Kanser ta un prekupashon mayó i kada un di nos òf nos famianan por keda afektá pe na kualke momentu. Personanan ku tin kanser mester di tur sosten ku nan por risibí. Nos ta kontentu ku e aña aki atrobe nos por a kontribuí na un forma signifikante na e trabou balioso di Prinses Wilhelmina Fonds,”asina el a sigui bisa. 

This site uses Akismet to reduce spam. Learn how your comment data is processed.

error: Content is protected !!
%d bloggers like this: