Koperashon entre BES(t) 4 kids i MBO Boneiru a ranka sali

Koperashon entre BES(t) 4 kids i MBO Boneiru a ranka sali

 

Kralendijk – Dia 8 di òktober 2019, MBO Boneiru i BES(t) 4 kids a organisá un enkuentro pa sentronan di akohida pa mucha ku tin trahadó ku ta sigui un formashon pa trahadó pedagógiko (asistente). MBO Boneiru ta ofresé formashon BBL (kaminda e trahadó ta sigui formashon banda di su trabou) riba nivel 2, 3 i 4.

 

Ta importante ku akohida pa mucha ta di bon kalidat. Mucha mester sinti nan mes seif na akohida pa mucha i haña espasio pa desaroyá nan mes. E programa BES(t) 4 kids ta traha entre otro pa yega na un  ordenansa insular i un dekreto insular nobo pa mehorá akohida pa mucha. E eksigensianan di kalidat ku e organisashonnan di akohida pa mucha mester kumpli kuné, ta entre otro nivel di formashon di nan trahadónan. Esaki pasobra bon akohida pa mucha ta rekerí sufisiente personal kalifiká. Riba petishon di  BES(t) 4 kids MBO Boneiru a formulá un konseho tokante formashon.

 

Durante e enkuentro di 8 di òktober, Liset Keijzer, direktor di unidat di MBO Boneiru, a yama e presentenan bon biní. Segun Keijzer, e trahadónan ku ta sigui formashon pa BBL tin un reto pa kaba nan estudio ku éksito. Esaki pasobra nan ta bai skol banda di e oranan normal di trabou. P’esei ta di gran balor ku den koperashon ku BES(t) 4 kids, a buska manera pa solushoná e problema akí i e retonan den e trayekto di formashon. 

 

Tamara Nicolaas, lider di proyekto di BES(t) 4 kids Boneiru i Vanessa Daniel, lider di tim di MBO sektor Kuido i Bienestar (Zorg en Welzijn) a duna informashon tokante ‘loonverlet’. Ku  ‘loonverlet’ e sentronan pa akohida pa mucha por bini na remarke pa haña sèn pa kubri gastu pa remplasá personal ku ta sigui formashon di BBL.Di e manera akí por regla remplasante pa e oranan ku e trahadónan ta sigui e formashon den dia.

 

MBO Boneiru i BES(t) 4 kids a ekspresá nan apresio pa e trahadónan ku ta sigui e formashon i nan ta kontentu di por duna un aporte positivo pa e trahadónan por kaba nan ku éksito. 

 

PERSBERICHT

Afdeling Communicatie Openbaar Lichaam Bonaire

Telefoon: 717-5330 | Email: communicatie@bonairegov.com

 

Datum: 23 – 10 – 2019  

 

Samenwerking BES(t) 4 kids en MBO Bonaire van start

 

Kralendijk – Op 8 oktober 2019 hebben MBO Bonaire en BES(t) 4 kids een bijeenkomst georganiseerd voor kinderopvangcentra waarvan medewerkers een opleiding tot (assistent) pedagogisch medewerker volgen. De BBL-opleidingen worden door MBO Bonaire aangeboden op niveau 2, 3 en 4.

Kwalitatief goede kinderopvang is van groot belang. Kinderen moeten zich in de kinderopvang veilig voelen en de ruimte krijgen om zich te ontwikkelen. Het programma BES(t) 4 kids werkt onder meer aan een nieuwe eilandsverordening en eilandsbesluit voor de verbetering van kinderopvang. De kwaliteitseisen waaraan de opvangorganisaties moeten voldoen gaan onder andere over het opleidingsniveau van beroepskrachten. Goede kinderopvang vraagt immers om voldoende gekwalificeerd personeel. Op verzoek van het programma BES(t) 4 kids heeft MBO Bonaire een scholingsadvies opgesteld.

 

Tijdens de bijeenkomst heeft Liset Keijzer, Unit directeur van MBO Bonaire, de aanwezigen verwelkomd. Omdat een BBL-opleiding naast de reguliere werktijden wordt gevolgd, is het volgens Keijzer een uitdaging voor de medewerkers om de eindstreep te halen. Het is daarom bijzonder waardevol dat er in samenwerking met BES(t) 4 kids naar mogelijkheden is gezocht om de knelpunten en hindernissen in het opleidingstraject op te lossen. 

 

Zo gaven Tamara Nicolaas, projectleider BES(t) 4 kids Bonaire, en Vanessa Daniel, Teamleider MBO Sector Zorg en Welzijn, informatie over ‘loonverlet’. Middels loonverlet kunnen kinderopvangcentra in aanmerking komen voor vervangingsgeld voor de personeelskosten van medewerkers die deelnemen aan een BBL- opleiding. Op deze manier kan vervanging worden geregeld voor de uren waarop de medewerkers overdag de opleiding bijwonen.  

 

MBO Bonaire en BES(t) 4 kids uiten hun waardering voor de medewerkers die bezig zijn met de opleiding en zijn blij een positieve bijdrage te kunnen leveren aan de succesvolle afronding van het traject.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: