Video ku ta ilustra ku asesino di e dama di Ordonnansweg no ke a asepta ku e dama no tabata ke nada mas kune

Anteriormente e eks pareha di e viktima, ku ta tata di 2 yu di e viktima, a alertá e yunan kaba ku un dia nan lo mira kon e ta mata nan mama. E suseso lamentabel aki a tuma lugá na e krèsh ku e muchanan ta bishitá. Direktiva di e krèsh en kuestion a hasi denunsia na Kuerpo polisial. E viktima a terminá e relashon ku e tabata tin ku su eks pareha pero esaki no tabata ke aseptá esaki.

Pa motibunan deskonosí el a enkontrá e persona ku e ta bringa ku n’e, den un Bar Chino kaminda a surgi un bringamentu entre ambos persona.

Alabes e agresor a atvertí ku lo e mata famia serkano di e viktima i despues mata e viktima mes.

Durante di e suseso e agresor a heridá un tanta di e viktima pa despues e hinka e arma den kustia di e wela di e viktima. E viktima a drenta den kas i e agresor a bisa pa e sali sino e ta mata e wela. Pa skapa bida di e wela e defuntu a sali. Den bista di e yunan tambe e agresor a tira nan mama ku konsekuensia fatal.

Pas na su alma