Pa medio di esaki, direktiva di Fundashon Kultural Banda Bou ta partsipá ku trabounanan ta kontinuando ku spit haltu pa selebrashon di DIA DI BANDA BOU 2019, e di 23 aña
Pa medio di esaki, direktiva di Fundashon Kultural Banda Bou ta partsipá ku trabounanan ta kontinuando ku spit haltu pa selebrashon di DIA DI BANDA BOU 2019, e di 23 aña.
Reunion ku hendenan ku ta deseá di organisá algu den barrio ta tumando lugá i ya nan a haña informashon di brantwer, GGD i polis.
Si tin hende ku ainda ke organisá un aktividat i pa un òf motibu no por a alkansá un reunion, ainda tin oportunidat pa buska kontakto na un di numbernan di telefòn na final di e komunikado aki.
Tambe inskripshon a habri pa Kaya Chochoria ku lo ta ubiká na e mesun kaminda ku aña pasá, esta Kaya Emeterio Doran, pegá ku Parke Himno i Bandera. Tur esnan ku ta interesá por pasa den Marshe Nobo seka sra. Marla. Su stènt ta, ora bini for di direkshon di barkunan i drenta marshe, e di dos stènt na man drechi.
Einan por tuma formularionan ku informashon i esun pa yena. Kòrda hendenan ku ta bende kos di kome òf bebe, mester di kopia di karchi di kùr bálido
i kopia di sédula, di nan mes i nan ayudantenan.
E otro bendedónan di algu otro mester di kopia di sédula. Na lugá di sédula por presentá tambe ku kopia di reibeweis òf pasport.
Tin e posibilidat pa hendenan ku ke organisá un aktividat den barrio òf ke partisipá na Kaya Chochoria pa tuma un formulario na e toko Elly Highway skùin unfrente di Bar di Wenchi òf Stutüt Bar.
Mientrastantu trabounan ku kontinuá ku preparashon di Anochi di Rekonosementu i Apertura. E anochi aki FKBB ta rekonosé pèrsonanan i òf instansia/organisashon ku a òf ta hasi of a logra algu meritorio pa komunidat di Banda Bou.
Tambe FKBB lo skohe manera tur aña tres “Role Model”. Esakinan lo ta tres pèrsona nativo di Banda Bou pa e loke nan a alkansá den nan desaroyo pèrsonal a base di e.o. studio, perseveransa, lucha, èts.
FKBB su miembronan di kontakto ta sr. Elfrin Basilio – 864-35353 i 523-5290 & sr. Rodrick Maria 663 – 2070 i 869 -3285.
Fundashon Kultural ta keda habrí pa kualke idea òf sugerensia pa yuda engrandesé selebrashon di e di 23 aña di DiA DI BANDA BOU.
