E PRÓKSIMO ENKUENTRO DI NOS SELEKSHON NASHONAL LO TA KONTRA COSTA RICA AKI NA KÒRSOU DEN STADION ERGILIO HATO PA 7:30PM DIA 14 DI NOVÈMBER!

E PRÓKSIMO ENKUENTRO DI NOS SELEKSHON NASHONAL

LO TA KONTRA COSTA RICA AKI NA KÒRSOU DEN STADION ERGILIO HATO

PA 7:30PM DIA 14 DI NOVÈMBER!

 

 

Preparashonnan ta kontinuá pa nos último partido di e segundo buèlta di Nations League.

E partido aki lo tuma lugá djaweps 14 di novèmber próksimo pa mitar di 8 di anochi den Stadion Ergilio Hato. Esaki lo ta nos segundo enkuentro kontra Costa Rica i lo bai ta un partido sumamente importante. Nos mester gana e partido aki p’asina klasifiká pa e buèlta final di Nations League ku lo tuma lugá otro aña.

 

Ainda nos selekshon ta komandá e tabla di posishon ku 5 punto, resultado di un viktoria kontra Haiti, un empate kontra Haiti i un empate kontra Costa Rica.

 

Tabla di posishon:

 

		WH	WG	WE	WP	Punto
1	Kòrsou	3	1	2	0	5
2	Haiti	3	0	2	1	2
3	Costa Rica	2	0	2	0	2

 

 

Karchinan pa e enkuentro aki, lo ta optenibel entrante otro siman na FFK bou di ora di ofisina, Beep Beep, Botika Mampuritu, pòmp di gasolin Sta Maria, 4^th of July snèk na Barber i na Feng Wei B.V. dilanti di vèlt di Vesta.

 

E preisnan ta lo siguiente:

• VIP ta kosta Fl.150,- (inkluso konsumo);
• Bou di tribunanan kubrí ta Fl.50,-
• Tribunanan no kubrí ta Fl.30,-
• Mucha di 6 te ku 12 aña ku 60+ ta paga Fl. 15,- den sekshon general

 

Portanan ta habri for di 4:30PM, kòrda yega trempan pa evitá e tráfiko i semper sigui òrdu di seguridat.

 

E kompromiso aki ta di sumo importansia pa ku e kontinuashon di nos selekshon den Nations League ta p’esei nos hungadónan mester di e apoyo i sosten di hinter pueblo di Kòrsou komo e di 12 hungadó!

 

FFK ta gradisí pueblo di Kòrsou pa a asistí masalmente na e despedida di nos kiper sitmá, Jarzinho Pieter. Klupnan, amigu i konosinan a kompañá famia i sernan kerí di Zinho i a hib’é na su último lugá di sosiegu. Awor e ta deskansá na pas, den brasa di Señor!