Parlamentario Curtley Obispo: Presupuesto 2020 di Pais Kòrsou: otro preguntanan importante pa loke ta trata e Ministerio di Maneho di Gobernashon, Planifikashon i Servisio Públiko

Presupuesto 2020 di Pais Kòrsou: otro preguntanan importante pa loke ta trata e Ministerio di Maneho di Gobernashon, Planifikashon i Servisio Públiko 

Parlamentario Curtley Obispo durante e di tres dia di tratamentu di e Presupuesto 2020 di Pais Kòrsou, a hasi diferente preguntanan i petishon na Minister di Maneho di Gobernashon, Planifikashon i Servisio Públiko, señor Armin Konket.  E la hasi 6 pregunta i 7 petishon spesífiko pa loke ta trata e Plan di Restrukturashon di e Aparato Gubernamental di Pais Kòrsou. Tambe parlamentario Curtley Obispo a hasi e siguiente otro preguntanan importante:  

(1) den mion florin kuantu ta e presupuesto 2020 pa: (a) pa hasi Konseho Supremo Elektoral un órgano independiente i (b) operashonalisá e Unidat di integridat? Nan ta presupuestá si òf no.  Dikon si òf no?

(2) página 14 CBS: den e 4.7 mion florin di gastunan presupuestá pa aña 2020 ta inkluí pa hasi Ofisina Sentral di Statistik Kòrsou (CBS) un órgano independiente? Si òf No. Dikon si òf no?

(3) página 13 Uo Publieke Zaken: presupuesto entradanan 2019 ta 6.6 mion florin. Presupuesto 2020 ta 5.7 mion florin. Dikon e bahada di 0.9 mion florin (aña 2020 vs 2019)?

(4) página 15 Overige BPD: aña 2018 a realisá entradanan di 4.6 mion florin i ta presupuestá pa aña 2020 un total di 1800 florin. Kiko e entradanan realisá di 2018 ta konsistí di dje?. Dikon un baha di 4.6 mion florin (aña 2020 vs 2018)?

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: