Inseguridat grandi bou di trahadornan di Sehos

Raad van Bestuur di Sehos a komuniká por eskrito awe ku trahadornan di Sehos indikando ku nan salario lo no subi nan kuenta dia 29 di òktober sino mas tardá dia 31 di òktober benidero. Trahadornan ta man na kabes komo ku nan no sa kon ta bai hasi pa pagonan outomatiko ku ta kita mensualmente for di nan salario e luna aki, di manera ku nan tambe por kumpli ku nan responsabilidat finansiero. Pa kolmo e trahadornan ta den insertidumbre inmenso tambe pa loke ta trata nan futuro laboral durante traspaso di Sehos pa CMC i despues na CMC. No tin klaridat pa e trahadornan.