Trabounan di reparashon di “vangrail” a kuminsá.

Willemstad – Minister di Tráfiko, Transporte i Planifikashon Urbano sra. Zita Jesus-Leito ta anunsiá ku trabounan di reparashon di “vangrail” a kuminsá. Reparashon di e sistema di “vangrail” ta un di e faktornan importante pa garantisá seguridat di nos tráfiko.

Pa algun luna kaba, komunidat di Kòrsou por a tuma nota ku “vangrailnan”  na diferente área di nos isla ta den mal estado esaki ta pa diferente motibu.

Trabounan di mantenshon di “vangrail” a start den área di Seru Dòmi, brùg juliana, seru di Arrarat, kaminda ta mas afektá i tiki tiki lo sigui amplia e trabou di mantenshon na  otro áreanan di Kòrsou. Den afan pa mantené nos komunidat informá Minister Jesus-Leito lo sòru di informá tur desaroyo riba área di mantenshon di nos kareteranan i mobilario di kaya.