Minister di Hustisia ta desmentí i refutá informashon eróneo en kuantu Hefe di Kuerpo Polisial Kòrsou i kadena Hudisial.

Minister di Hustisia ta desmentí i refutá informashon eróneo en kuantu Hefe di
Kuerpo Polisial Kòrsou i kadena Hudisial.

Fin di siman pasá, algun medio di komunikashon pa ékis motibu a publiká, ku supuestamente
Hefe di Kuerpo Polisial Kòrsou, sr. Mauricio Sambo, lo a kometé un akto di violensia
relashonal, ku un keho a wòrdu entregá kontra su persona i ku tantu Prokurador General
komo Minister di Hustisia lo ta kubriendo e informashon aki. Tambe a spekulá ku sr Sambo
ta aktualmente ku fakansi obligatorio den kuadro di e kaso en kuestion.
Na momentu ku Minister Girigorie a wòrdu konfrontá ku e rumornan aki, el a informá un di e
medionan di komunikashon en kuestion inmediatamente, ku e no ta na altura di ningun
keho di violensia relashonal ku a keda hasí kontra di Hefe di Kuerpo Polisial di Kòrsou.
Apesar di e reakshon aki, e medio di komunikashon aki a skohe tòg pa publiká e rumornan
komo informashon verídiko.
Entretantu, riba petishon di Minister di Hustisia, Ministerio Públiko, Landsrecherche i Kuerpo
Polisial Kòrsou a hasi un investigashon interno tokante e alegashonnan aki.
Djabièrnè 1 di novèmber último, Minister a risibí un deklarashon por eskrito di tantu
Ministerio Públiko, Landsrecherche di Kòrsou komo Kuerpo Polisial Kòrsou (bou di kua ta
resortá Bureau Interne Zaken), ku ningun di e instansianan aki tin òf tabatin un òf otro keho
(òf insidente) di violensia relashonal registrá kontra sr. Mauricio Sambo òf kualke otro
miembro di e tim di maneho aktual di Kuerpo Polisial Kòrsou.
Komo tal, e akusashon di violensia relashonal ku a wòrdu lansá den Prensa kontra sr Sambo i
kubrimentu di e krímen aki kometé pa e Hefe di kuerpo dor di Prokurador General, Minister
di Hustisia i e kadena hudisial, NO ta basá riba bèrdat.
Prensa ta un di e pilarnan importante di nos komunidat demokrátiko. P’esei e trabou di
Prensa, meskos ku esun di gobièrnu, Parlamento i otro instansianan di influensia den nos
komunidat, mester ta basá riba standardnan haltu.
Publikando un rumor manera esaki kontra di un trahadó Públiko, Prokurador General i
Minister di Hustisia riba retnan di informashon tantu nashonal komo internashonal, komo si
Página
2
Wilhelminaplein z/n | Willemstad, Curaçao | T.: +(599) 9 465-8433 | F.: +(599) 9 465-8083 | http://www.gobiernu.cw
fuera ta trata di informashon verídiko, sin ku esaki ta basá riba realidat, ta un akto
iresponsabel kual akto ta tacha e imágen di nos kadena hudisial.
Pa e motibu aki, Minister di Hustisia ta urgi e medionan di komunikashon konserní, pa
rektifiká nan informashon inkorekto mas pronto posibel, di e mesun forma ku esaki a wòrdu
publiká anteriormente.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: