RDK I CRU TA INISIA INVESTIGASHON PA DETERMINA KOUSA DI KORTO SIRKUITO DEN TRANSFORMATOR KU A KOUSA PERDIDA DI KORIENTE RONT KORSOU

RDK I CRU TA INISIA INVESTIGASHON PA DETERMINA KOUSA DI KORTO SIRKUITO DEN TRANSFORMATOR KU A KOUSA PERDIDA DI KORIENTE RONT KORSOU

Willemstad- 4 di Novèmber 2019- Refineria di Kòrsou (RdK) i Curaçao Refinery Utilities (CRU) a instalá un tim pa investigá e kousa di e korto sirkuito den un di su transformatornan i e sistema di protekshon, ku no a funshoná, loke a kousa un pèrdida di koriente total rònt Kòrsou. A base di e investigashon lo tuma paso pa evitá ku e insidente aki por ripití su mes den futuro. CRU despeus di e insidente a deskonektá for di ret di distribushon di Aqualectra pa duna Aqualectra oportunidat pa start su plantanan di produkshon bèk. 

CRU ta hasiendo trabounan preparatorio pa bolbe suministrá Refineria Isla ku utilidat. Gerensia di RdK i CRU ke pidi diskulpa pa e inkumbiniensha kousá miéntras empleadonan di CRU ta hasi lo máksimo pa bolbe pone plantanan di e kompania den operashon.

 

Un korto sirkuito den un transformator, ku ta transforma voltage di 15 mil vòlt pa 6.600 vòlt, a kousa un kandela. E sistemanan di protekshon, ku mester deskonektá e transformator for di e ret, no a funshoná, kousando ku e korto sirkuito a ranka koriente i benta hasta e plantanan di Aqualectra abou. Ningun hende no a sufri daño personal debí na e insidente. E daño kousá ta na transformator i no na e edifisio den kua e ta ubiká. E kortsluiting a kousa basta huma i pa e motibu aki a opta pa evakuá e personal ku tabata den edifisio.

Asina tin resultado di e investigashon inisiá lo tuma e pasonan nesesario pa evitá esaki den futuro. Personal di CRU ta hasiendo lo máksimo pa bolbe pone plantanan di CRU mas pronto posibel den operashon.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: