AQUALECTRA TA GRADISI KOMUNIDAT I PRENSA PA E APOYO I KOMPRENSHON

AQUALECTRA TA GRADISI KOMUNIDAT I PRENSA PA E APOYO I KOMPRENSHON
———————————-
Willemstad- Komunidat di Kòrsou un biaha mas a demostrá di sa di atendé na un manera responsabel na momentunan ku mas mester di esaki.

E suseso di djaluna último, kaminda henter nos isla a keda sin koriente, a demostrá un biaha mas ku nos por atendé ku situashon atverso i inesperá na un manera madurá.

Gerensia di Aqualectra ta gradisí komunidat pa e forma ku komunidat a reakshoná, ku e komprenshon nesesario, p’asina por a pèrmití profeshonalnan di Aqualectra pone tantu produkshon komo distribushon di koriente i awa bèk na normalidat na un forma responsabel.

Gerensia ta orguyoso di e trabou inkansabel ku koleganan di Aqualectra a desplegá durante di varios ora, for di djaluna mainta te ku djamars mardugá, pa trese e situashon bèk na normalidat.

Na e momentu aki e situashon ta di tal forma ku tantu produkshon komo distribushon di awa i koriente a normalisá.

Aqualectra na e momentunan aki ta proveé Refineria Isla ku koriente, sin intervenshon di CRU, pa garantisá komunidat di e produktonan di usa diario, pa Aqualectra su plantanan mes tambe por haña kombustibel pa funshoná i tambe pa proveé “jetfuel”. Esaki te ainda ta kanando segun plan.

Dado kaso presentá reto ku e suministro na Refineria Isla i esaki ta pinta di redusí Aqualectra su kapasidat pa suministrá komunidat, lo redusí e kapasidat ku ta entregána Refineria Isla.

“Ta momentunan manera esaki, kaminda algu total inesperá presentá, ta mustra e grandesa di nos komunidat.”

Aqualectra ta gradesido na komunidat, inkluso prensa, pa e apoyo i komprenshon demostrá. Na un forma madurá nos a pasa dor di e momentunan difísil ku nos a eksperenshá huntu.

Esaki a duna nos profeshonalnan espasio pa hasi un trabou grandi na bienestar di nos komunidat, CEO di Aqualectra Darick Jonis a bisa.

Atentamente,

Gerensia Aqualectra
6 novèmber 2019