TREMENDO APERTURA DI LIGA MCB PROMÉ DIVISHON 2019-2020! UNDEBA LO TOPA VICTORY BOYS KARA KARA DJADUMINGU  10 DI NOVÈMBER, 6’OR DI ATARDI DEN SDK!

TREMENDO APERTURA DI LIGA MCB PROMÉ DIVISHON 2019-2020!

UNDEBA LO TOPA VICTORY BOYS KARA KARA DJADUMINGU 

10 DI NOVÈMBER, 6’OR DI ATARDI DEN SDK!

 

Djadumingu awor 10 di novèmber 2019, e orguyonan di Banda Bou, Undeba, lo topa e muchanan di Santa Rosa, Victory Boys, durante e gran apertura di Liga MCB Promé Divishon ku lo tuma lugá den Stadion Ergilio Hato pa 6’or di atardi.

Entrada pa e partido aki ta 6 florin general i tur mucha bou di 12 aña kompañá pa nan mayor por drenta grátis miéntras 60+ ta paga solamente fl.2.50. 

 

Karchinan pa e tremendo partido aki ta optenibel na e lokètnan di SDK for di 1’or di mèrdia te ku ora di wega. Portanan ta habri 5’or di atardi, yega trempan paso DJ Leanon lo tei pa animá promé i durante wega. Den pousa lo tin un tremendo show di baile ku ta na enkargo di D’Art! Pues ta un ambiente total kombiná ku bon futbòl lo tin djadumingu awó!

 

E aña aki Liga MCB ta wòrdu dediká na e siguiente baluartenan; Sr. Angel Ramirez (èks dirigente), Sr. Eric ‘Papa’ Girigoria (èks rèfri), Sr. Ramon Stomp (èks hungadó), Sr. Virgilio Silië (eks hungadó), i Sr. Arto Leito (èks hungadó). E pèrsonanan aki ta tin un kontribushon enorme na e desaroyo di e deporte rei, futbòl. P’esei nan lo wòrdu homenahiá i FFK lo dediká e kampionato di e aña aki na nan.

 

Skema Liga MCB Promé Divishon (blòk 1)

 

Fecha Ora Tim di kas Bishitante Stadion
10 nov. 19   18.00  UNDEBA vs VICTORY BOYS SDK 
15 nov.19   20.00  J.HOLLAND vs WILLEMSTAD  SUBT
16 nov.. 19   19.00  CSD BARBER vs C. DOMINGUTO  SUBT
    21.00  VESTA vs SCHERPENHEUVEL  SUBT
20 nov. 19   20.00  HUB. FORTUNA vs SUBT  SUBT

 

Liga MCB Promé Divishon ta ranka sali den gran forma! 

Undeba representando e pueblo di Banda Bou ta bin tur ku tin pa Victory Boys ku tambe ke bai saka kara di Banda Riba! Un tabla lo bula den Stadion Ergilio Hato, djadumingu 10 di novèmber binidero!

Pueblo di Kòrsou ta keda kordialmente invitá pa bin na bòshi, bin apoyá bo ekipo preferí i disfrutá ku bo famia di e deporte rei, futbòl!

 

8 novèmber 2019

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: