Prome Minister Evelyn Wever-Croes: PROME MINISTER TA FELICITA PASTOR EUSEBIO PETRONA CU SU 50 ANIVERSARIO COMO PASTOR

Prome Minister Evelyn Wever-Croes:

PROME MINISTER TA FELICITA PASTOR EUSEBIO PETRONA CU SU 50 ANIVERSARIO COMO PASTOR

 

ORANJESTAD– Durante un encuentro ameno, Premier Evelyn Wever-Croes den nomber di Gobierno di Aruba a entrega Pastor Eusebio Petrona un reconocemento pa su dedicacion durante 50 aña den e servicio pastoral.  

 

Pastor Eusebio Petrona ta un persona cu semper a inspira grandi y chikito pa medio di su consehonan. Den momentonan di dificultad of cualkier otro momento, Pastor Eusebio semper ta para cla pa yuda ya cu e ta conoci pa tin un don di palabra pa alivia personanan pasando den cualkier situacion. Cada persona sea individual of den grupo cu mester ser inspira den nan momentonan dificil, semper por a yega cerca Pastor Eusebio pa ricibi su consehonan. 

 

Gobierno di Aruba ta gradici Pastor Eusebio Petrona pa 50 aña di dedicacion na e comunidad di Aruba y pa tur su esfuerso y trabou pa cu nos comunidad.