Departamento di Salud Publico ta mas serca di comunidad Pasa busca bo vacuna contra Influenza
Departamento di Salud Publico ta mas serca di comunidad
Pasa busca bo vacuna contra Influenza
ORANJESTAD, Aruba –12 november 2019: E campaña di vacunacion contra Influenza a cuminsa y Departamento di Salud Publico ta haci un yamada na e grupo di risico pa pasa busca nan vacuna completamente gratis na un di e localidadnan cu mas ta combiniente.
Aki bou ta sigui un lista di e diferente dia, orario y localidadnan unda nos enfermeronan lo bay ta aplicando e vacuna di influenza.
- Diamars dia 12-11-2019 MFA Noord for di 09:00 pa 11:00 am
- Diahuebs dia 14-11-2019 IMSAN for di 09:00 pa 11:00 am
- Diamars dia 19-11-2019 Centro Curazon Sta Cruz dilanti WGK Sta. Cruz for di 9:00 pa 11:00 am
- Diahuebs dia 21-11-2019 IMSAN for di 09:00 pa 11:00 am
- Diamars dia 26-11-2019 MFA Savaneta for di 09:00 pa 11:00 am
Na e localidadnan aki lo vacuna personanan cuta cay bou di e grupo di riesgo. E personanan aki mester presenta cu nan recept di doctor di cas y nan carnet di AZV. Adultonan mayor di 60 aña mester presenta solamente cu nan carnet di AZV valido. Na e postnan aki lo no ta posible pa cumpra e vacuna.
Pa mas informacion por tuma contacto cu seccion di Malesanan Infeccioso di Departamento di Salud Publico na 5224200.
