Gana bo entrada di Frozen 2 na Carrefour Market 

Gana bo entrada di Frozen 2 na Carrefour Market 

 

WILLEMSTAD:- Fin di siman benidero lo ta masha spesial na Carrefour Market, ya ku lo kuminsa selebrá estreno di e pelíkula animá mas antisipá, Frozen 2. Huntu ku Cinemark, Carrefour Market lo ofresé e fin di siman aki oportunidat pa su klientenan gana paketenan VIP pa estreno di e pelíkula ku lo tuma lugá dia 21 di novèmber na Cinemark na Sambil Shopping Mall. Lo tin diferente oportunidat pa gana premio e fin di siman aki!

 

GANA bo entrada D-Box VIP di Cinemark pa estreno di Frozen 2

Ya for di djabièrnè dia 15 di novèmber muchanan por saka potrèt ku diferente ‘props’ den Carrefour Market. Unabes bo saka e potrèt, por upload esaki riba bo profile di Facebook i ‘tag’ Carrefour Curacao den esaki, usando hashtag #carrefourcuracao i #frozen2. Lo tin akseso na WiFi grátis den supermarket pa hasi esaki mesora. Por hasi esaki riba dianan 15, 16 i 17 di novèmber. 

 

Topa karikaturanan di Frozen 2 den Carrefour i GANA!

Dia 16 di novèmber ta spesial ya ku karikaturanan di Frozen 2, lo ta den Carrefour Market entre 14:45 i 15:30 pa saka pòtrèt grátis ku e muchanan! Yega trempan; e potrètnan lo partisipá na un kompetensia riba social media na unda ku tur siguidó di Carrefour Market por vota. 

 

Total, Carrefour lo saka 3 ganadó i kada un lo risibí un pakete D-Box VIP- inkluyendo, nan karchi D-box pa e pelíkula, un tas di Frozen 2 ku djus i kuki di Carrefour- pa estreno di e pelíkula Frozen2 na Cinemark dia 21 di novèmber próksimo. Keda pendiente lo anunsiá e ganadónan dia 19 di novèmber riba e página di Facebook di Carrefour.

 

Tokante di Carrefour Market

Carrefour Market, den boka di pueblo ‘é supermerkado na Sambil’ ta birando un gran faborito na Kòrsou. Klientenan ku ta deseá di kumpra kalidat na preisnan atraktivo sá nan kaminda pa Carrefour. Ekipá ku su propio bodega di biña na unda ku por haña biñanan eksklusivo na preisnan kompetitivo. Ademas, Carrefour ta konosí pa su pan semper fresku, su gran surtido di keshi franses i e variashon amplio di produkto ku bo no ta haña niun otro kaminda na Kòrsou. Smak apart? Carrefour ta p’abo! Carrefour tin su mes entrada, pues ta fásil pa parker i drenta. Carrefour Market na Sambil ta habrí di djaluna pa djasabra for di 7:30 pa 20:30 i djadumingu for di 09:00 pa 19:00.  No pèrdè niun oferta, ‘like’ e página di Facebook! 

This site uses Akismet to reduce spam. Learn how your comment data is processed.

%d bloggers like this: